InfoHub Logo

Ózi turǵan óńirdiń birsypyra úlken-kishisine belgili bir aqsaqal, alystan at sabyltyp kele jatqan jolda tústenip shyǵaıyn dep, anadaıdan kóringen qoıly aýylǵa at basyn burady. Úı ıeleri kelgen adamǵa úlken qoshamet kórsetip, attan túsirip, tórge shyǵaryp, astyna kórpe jaıyp, jastyq salyp, syı-qurmet kórsetedi.

Azdy-kópti áńgimelesip, biraz demalǵannan keıin dastarhan jaıylyp, sary samaýyryn da saqyldap kelip qalady. Dastarhanǵa irimshik, qurt, baýyrsaq, shaqpaq qant, budan basqa shaıdyń jemi tolyq jaıylady, bir-eki jerden sary maı da qoıylady.

Bir sát qadirli qonaq ydystaǵy maıdan bir ilip alyp, aýzyna qaraı apara bergende qaraıǵan bir nárseni kózi shalyp qalady. Aýzyna sala salýǵa dáti shydamaıdy, úı ıesine kórsetpeı laqtyryp jiberýdiń taǵy yńǵaıy kelmeıdi. Basqa amal bol- maǵandyqtan, ol yńǵaısyzdanǵandyǵyn bildirip, «my... mynaý» deı beredi.

Maımen birge ilingen qoıdyń qumalaǵy bolyp shyqty. «Utylǵan tek turmas» degen, sonda shaı quıyp otyrǵan kelinshek julyp alǵandaı:

— E, Qudaı, ózimizdiń qoıdyń qumalaǵy qoı, — depti-aý.

---