InfoHub Logo

Túrkistanda QR Premer-Mınıstri Kárim Másimov qazaqstandyq bilim berý problemalary men perspektıvalary jóninde keńes ótkizdi.

Memlekettik organdar, tórt oblystyń, sondaı-aq Astana jáne Almaty qalalarynyń bilim berý uıymdarynyń jáne óńirdiń qoǵam ókilderi arasyndaǵy ashyq dıalog Túrkistan qalasyndaǵy Qoja Ahmet Iassaýı atyndaǵy halyqaralyq qazaq-túrik ýnıversıtetiniń alańqaıynda ótt, dep jazady Pm.kz.

Qazirgi tańda elimizde 2020 jylǵa deıingi bilim berý men ǵylymdy damytýdyń memlekettik baǵdarlamasy daıyndalyp, qabyldandy. Negizgi aksent adam kapıtalynyń básekege qabilettiligine jáne jalpy bilim berý deńgeıine baǵyttalady. Jańa oqý jylyndaǵy ózgeris - birinshi synyp oqýshylary úshin bes kúndik oqý júıesi engiziledi. Bul «Nazarbaev Zıatkerlik mektebiniń» baǵdarlamasy negizinde jańartylǵan oqý baǵdarlamasyna jáne álemdik ozyq praktıkaǵa sáıkes keletindigimen baılanysty. Oqý baǵdarlamasyn qysqartpaý úshin birinshi synyp oqýshylary 1 qyrkúıekten 1 maýsymǵa deıin oqıdy. Kelesi jyly ekinshi, besinshi, jetinshi jáne toǵyzynshy synyp oqýshylary da bes kúndik oqý júıesine kóshedi. Al 2018 jyldan bastap qalǵan synyptar jańa oqý rejimi boıynsha bilim alady. Sondaı-aq, 2020 jylǵa qaraı Qazaqstanda 12 jyldyq bilim berý júıesine aýysý josparlanyp otyr.

Atap ótilgendeı, otandyq bilim berý sapasyna qatysty ondaǵan qazaqstandyq  Úkimetke óz suraqtaryn qoıady.

Kezdesý barysynda mektep jáne mektepke deıingi bilim berý taqyryby keńes barysynda kóterildi. Eńbek ardageri I.Tursynqulov óńirde balabaqshalardyń jetispeýshiligi týraly máseleni qozǵady.

Keńeske qatysýshylar mektepterde úshtildilikti engizý, pedagogıkalyq kadrlardy daıyndaý, UBT formatyn ózgertý jáne jańa oqytý tehnologıalaryna kóshý máselelerin talqylady. Atap aıtqanda, elektrondyq jýrnaldar men elektrondy kontent týraly taqyryptar qozǵaldy.

Bilim berý máseleleri boıynsha Premer-Mınıstrdiń orynbasary Darıǵa Nazarbaev, bilim jáne ǵylym mınıstri Erlan Saǵadıev, densaýlyq saqtaý jáne áleýmettik damý vıse-mınıstri Birjan Nurymbetov, Ulttyq ekonomıka vıse-mınıstri Marat Qusaıynov sóz sóıledi.

2017 jyldan bastap ulttyq biryńǵaı testileýdi tek JOO abıtýrentteri, al mektep túlekteri qarapaıym emtıhan tapsyrady. Úshtildilik bilim berý júıesi 2020/2021 oqý jylyna engizilý josparlanyp otyr. Osy jyldan bastap 5-synyp oqýshylary «Qazaq tili», «Qazaq ádebıeti», «Qazaqstan tarıhy» pánin qazaq tilinde jáne «Orys tili», «Orys ádebıeti», «Dúnıejúzi tarıhy» pánderin orys tilinde oqıdy.

Ońtústik Qazaqstan oblysynyń ákimi B.Atamqulovtyń aıtýynsha, óńirde 11 JOO, 90 TjKB mekemeleri jáne 1053 mektep jumys isteıdi. 2016 jyly oblysta eki mektep qoldanysqa engizildi, taǵy alty mekteptiń qurylysy aıaqtalýǵa jaqyn. «OQO Azamattyq alánsy» qaýymdastyǵynyń prezıdenti Sh.Jamalbek óńirdiń bilim berýdegi joǵarǵy áleýetin negizge ala otyryp, Túrkistanda Nazarbaev zıatkerlik mektebin ashýdy usyndy.

Premer-Mınıstr keńesti qorytyndylaı kele, bilim jáne ǵylym mınıstrligine orta bilim berýdiń mazmunyn jańartý jáne barlyq deńgeıdegi bilim sapasyn jaqsartý jumysyn jalǵastyrýdy tapsyrdy.

Sonymen qatar, bilim jáne ǵylym mınıstrligi oblystar jáne Astana men Almaty qalasy ákimdigimen birlese otyryp, Nazarbaev Zıatkerlik mektebiniń birinshi synyp oqýshylary úshin jańartylǵan oqý baǵdarlamasynyń tájirıbesin respýblıkamyzdaǵy barlyq mekteptiń birinshi synyptaryna engizýdi qamtamasyz etedi. Sondaı-aq jaýapty memlekettik organdar 2016-2017 oqý jylyna arnalǵan nysandardy óz ýaqytynda aıaqtaý úshin tıisti sharalardy qoldaný qajet.

Aıta keteıik, Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasy bilim berýdiń jáne ǵylymnyń básekege qabilettiligin arttyrýǵa, turaqty ekonomıkalyq ósý úshin adamı kapıtaldy damytýǵa baǵyttalǵan. Qazaqstanda 7 160 memlekettik mektep jumys isteıdi. 2 mln 724 myń oqýshy bilim alady. Óńirler boıynsha mektepterde synyptardyń tolýynyń ortasha sany tómendegideı: Ońtústik Qazaqstan oblysy - 21 adam, Almaty oblysy - 18 adam, Jambyl oblysy - 18 adam, Qyzylorda oblysy - 20 adam, Astana qalasy - 25 adam, Almaty qalasy - 24 adam.

«Nurly Jol» memlekettik baǵdarlamasy aıasynda 2015-2019 jyldary 76 mektep qurylysyn aıaqtaý josparlanǵan.

 

---