InfoHub Logo

Keler jyly UBT tapsyrý formaty sol kúıinde qalady, degenmen birqatar qosymsha ózgerister bar.

Búginde Bilim jáne ǵylym mınıstrligi tarapynan 2019 jyly UBT-ny uıymdastyrý men ótkizý boıynsha daıyndyq jumystary júrgizilýde.

2019 jyldan bastap joǵary oqý ornyna aqyly negizde túsý úshin UBT jylyna 4 ret (qańtar, naýryz, maýsym-shilde, tamyz) ótkiziledi jáne alǵashqysy qańtardaǵy UBT-ǵa qatysý úshin ótinim 2018 jylǵy 1-15 jeltoqsan aralyǵynda qabyldanady.

UBT-ny sátti tapsyrǵan 11 (12) synyp oqýshylary JOO-ǵa aqyly negizde túse alady.

Sondaı-aq, shet tilin tereń meńgergendigin rastaıtyn halyqaralyq sertıfıkattary bar oqýshylar «Shet tili» páni boıynsha UBT-dan bosatý normasy engizilýde.

«Aıta ketý kerek, qańtar, naýryz jáne tamyz aılarynda UBT tapsyrǵan talapkerler bilim berý granttaryna úmitker bola almaıdy, ol JOO-na aqyly túrde túsý múmkindigine ıe bolýy úshin qarastyrylǵan, al grantqa talasý úshin maýsym-shilde aılarynda ótetin UBT-ǵa qatysýy qajet. Jáne de qańtar, naýryz aılarynda UBT tapsyrǵan oqýshylar maýsym-shilde aılaryndaǵy negizgi UBT-ǵa qatysa alady», - dedi QR Bilim jáne ǵylym vıse-mınıstri Ashat Aımaǵambetov OKQ-de ótken baspasóz máslıhatynda.

Onyń aıtýynsha, 2019 jyldyń qańtar, naýryz, tamyz aılarynda UBT tapsyratyn talapkerler testti aqyly túrde tapsyrady jáne onyń ár tapsyrýy  2242 teńgeni quraıdy.

Vıse-mınıstr atalǵan ózgeristerdiń ne úshin engiziletinin tómendegideı dáıektermen túsindirdi

«Jalpy UBT-ny tapsyrý formatynda, pánder men suraqtar boıynsha ózgerister joq. Qalǵan ózgeristerge kelsek biz kópshiliktiń pikirimen sanasý men monıtorıń jasaý negizinde keldik. Sonymen birinshi sebep, kóp adamdar nege Reseı jáne basqa da elderde qysta emtıhan tapsyryp oqýǵa qabyldaıdy, nege bizde ondaı múmkindik joq deıtinderge jaǵdaı jasaý, ekinshi nege bizde JOO-na túsý múmkindigi bir ret qana qarastyrylǵan degen ótinish ıelerine qosymsha múmkindik beriledi, úshinshi, JOO-na túsý múmkindigi nege UBT-men ǵana shekteledi degen jıi suraq qoıylatyn. Bul máseleni BǴM óz baqylaýyna alyp eki jyldan beri mektepte jáne ýnıversıtette bólek tapsyrý múmkindigi qarastyrylǵan», - dedi ol.

Onyń sózine qaraǵanda, 2019 jyldan bastap bilim granttary bilim berý baǵdarlamalarynyń toptary boıynsha taǵaıyndalatyn bolady. JOO-ǵa qabyldaý kezinde talapkerge túsken mamandyǵy boıynsha naqty bilim berý baǵdarlamasyn tańdaý múmkindigi beriledi. Ol úshin mınıstrlik JOO-y júzege asyratyn bilim berý baǵdarlamalarynyń tizilimin qalyptastyrady.

Aǵymdaǵy jylǵydaı, UBT sertıfıkatymen birge árbir bitirýshige bilim berý baǵdarlamalary toptarynyń tizimi, bólinetin granttar sany, sondaı-aq, ótken jylǵy grant taǵaıyndaý konkýrsynyń nátıjeleri kórsetilgen aqparattyq paraq beriledi. Bul aqparattyq paraq talapkerge bolashaq mamandyǵyn tańdaýda kómektesedi. 

QazAqparat

---