InfoHub Logo

Kúnderdiń kúninde, japyraǵy jaıqalǵan eńseli bir terektiń túbinen shyrmaýyq tuqym jaryp boı kótere bastapty. Kóktemniń kelisimen aq, álgi shyrmaýyq aǵashtyń ortan beline deıin ósip, uzara túsipti. Jańbyr men kún nurynyń arqasynda azǵantaı ýaqyttyń ishinde shyrmaýyq terekpen birdeı bolyp ósip jetilipti. Sodan bir kúni, shyrmaýyq aǵashqa qarap; «Aǵash aý, sen qansha aıda osyndaı úlken bolyp óstiń?» depti. Terek bolsa; «on jylda» dep jaýap qatypty. Ony estigen shyrmaýyq ishek-silesi qatyp, maqtana kúlip «on jylda ma? Myna men kóp bolsa eki aq aıda senimen boıym birdeı boldy qarashy» dep masaırapty. Terek bolsa «Durys aıtasyń» depti de qoıypty.

Ýaqyttyń aǵysymen, jazdyń ystyq kúnderin, qońyr kúz basyp, aýa-raıy salqyndaı túsipti. Kúzdiń salqyn jelinen shyrmaýyqtyń japyraqtary úzilip, shyrmaýyq qaltyraı bastaıdy. Sodan keıin shyrmaýyq, aqyryn-aqyryn búgilip bir ýys bolyp jerge japyrylyp qalypty. Bul haline tań qalyp, terekke qarap; «Ýa aǵash aý! Maǵan ne bolyp barady?» dep surapty. Sonda terek oǵan; «Meniń on jylda shyqqan shyńyma sen eki aıda shyǵýǵa tyrystyń» dep qana jaýap qatqan eken.

Ǵalymnan nadan artpas uqqanmenen,

Taǵdyr kórmeı qoımaıdy buqqanmenen.

O-daǵy qalybynan asa almaıdy,

Jaýqazynan erte kóktep shyqqanmenen.

Abaı Qunanbaıuly

---