InfoHub Logo

«Bizdiń turmys»

Byltyrdan beri «Bizdiń turmys» atty bir roman jazǵan bolyp júrmin. Biraq, ony áli de qadaǵalap otyryp jazǵanym joq. Bul romandy 3 túrli ortamen baılanystyryp, sol 3 túrli ortanyń turmysyn (durys jaǵyn da, teris jaǵyn da) jazbaqpyn: onym: qala, kolhoz, zaýyt. Árıne, bul 3 ortadaǵy qoǵamnyń barlyq qyrtystarynyń turmystaryn túgel sýretteı alam dep oılamaımyn. Áıtkenmen, turmystary baıandalatyn adamdarym qala, kolhoz, zaýyt bolmystarymen baılanysady.

«Qyzyl at»

«Qyzyl at» jazylyp, baspasózde jarıalandy da. Biraq onyń sońǵy bólimi túgel jazylyp jarıalanǵan joq. Endi «Qyzyl attyń» sol sońǵy bólimin túgeldep shyǵarmaqpyn.

«Qyzyl attaǵy» zor maqsatym:

1) Ólkelik partıa komıtetiniń (Kraıkomnyń) jańa basshylyǵynyń durys Lenınshil jolbasshylyǵyn eńbekshi jurtqa kórkem sóz arqyly jar qylý.

2) Qazaqstannyń ómirindegi kólik retinde eń qıyn halde bolǵan 1933-jylǵy jazǵy egiske eńbekshi taptyń bar kúshin qyzý túrde jumsaýǵa shaqyrý edi.

3) Sol 1933-jylǵy kúsh-kólik retinde kúısiz qalǵa keltirgen tek eski basshylyqtyń ǵana qate jol basshylyǵy ekenin kórsetý edi.

«Álbatros»

«Álbatrostyń» birinshi bólimi jańada ǵana baspadan keldi. Kishkentaı kitapsha 14 aıda túpteýsiz basylyp shyqty. 1932 jyly Oktábr meıramyna arnalǵan edi. Sol, 1932 jylǵy Oktábr meıramyna qarsy shyǵaramyz dep Qazaq baspasy asyqtyryp alyp edi. Sony 14 aıdan keıin shyǵardy. Endi sol «Álbatrostyń» 2- shi bólimin daıarlamaqpyn.

Mine, ázirshe, osy 3 nárseni aıtsam. Basqasy taǵy da bola jatar.

1934 jyl

---