Sýretshi
Ǵumyryn ónerge arnaǵan sýretshiniń ár sáti qımyldan turatyn. Ol toqtaǵan emes. Keýdesi salqyn áýenge toly, al júregin jalyn orap jatyr. Essiz saýsaqtary shapshań qımyldap, boıaýdan ertegi quraıdy. Muńǵa oranǵan sulý kúzdiń aqtyq demi, tún qupıasyn shashqan shegirtke shyryly, alystan shaqyrǵan átesh, kún qurǵatyp úlgermegen balań shyq — bári sýretshi menshigi, sýretshi álemi…
Birde keýdesin kernegen tátti qaıǵydan qajyǵan ol uıyqtap ketken. Tús kórdi. Aptap dala, qum. Sheksiz belester. Tynyshtyq. Ózin-ózi jutyp, únsiz yńyranǵan óli tynyshtyq. Munda esh nárse joq edi. Aınalasyna esi kete jaltaqtap, tobyǵynan qum keship kele jatqan sýretshi tóbesinen ótken ystyqtan basynyń aınalǵanyn sezdi. Qurǵaq tili aýzyna syımaı syrtqa shyqty. Tyr jalańash álem aspanmen arbasady. Meńireý qum patshalyǵy. Sýretshi oıanǵan joq. Onyń endigi mekeni osy bolatyn.
You Might Also Like
-
Bir úlken patshanyń balasy bolmapty. Patshaıym ekeýiniń armany perzent súıý eken. Ǵalamat zor elge bıligin júrgizip otyrǵan adamnyń aqyly da kól-kósir bolatyny belgili. Patsha bul jaǵdaıǵa bola ishteı ý...
-
Ol ádemi bolatyn. Ol aınaǵa qarap turyp, óziniń bul ómirge kelý sebebi týraly oılaıtyn. Eger Jaratýshy buǵan osynshama sulýlyq bergen bolsa, onyń jón-josyqsyz, maqsatsyz bolýy múmkin be? Múmkin emes ...
