InfoHub Logo

Birde jaqsy tanıtyn bir jas aqyn jigit kelip:

— Aǵa, meniń jyr jınaǵym shyqqaly da biraz boldy, ózińiz bilesiz ǵoı, — dedi.

— Árıne, qoltańbańdy qoıyp, ákelip syılaǵanyń esimde. Oqyp ta shyqtym, tushymdy dúnıeler barshylyq. Maǵan kitabyńdy bergenińdi umyttyń ba?

— Joǵ...á, bári esimde ǵoı. Aıtaıyn degenim bir myń ǵana danamen shyqqan sol kitap áli taralǵan joq. Tórt jylda tabanymnan toza júgirip júrip, qaryzdanyp-qaýǵalanyp shyǵaryp em, endi býylyp-túıilgen oraýymen áli jatyr, kimge baryp, kimge aıtarymdy bilmeımin...

Osy oraıda meniń esime bir mysal ertegi tústi. It pen mysyq ertede birge turatyn kórinedi. Birde ıt fotoaparat satyp alypty. Ondaǵy oıy jan-janýarlardy sýretke túsirip, ony satyp, tabys tabý eken. Fotoaparatyn asynyp, ormanǵa barsa, qarsy aldynan qoıan shyǵa kelipti. Bul fotoaparatyn ázirlegenshe qorqaq qoıan zyta jóneledi. Itekeń qýyp beredi. Sóıtip erteden keshke deıin qýyp júrip, ymyrt úıirilgende ǵana sýretke túsirip úlgeredi. Ábden dińkelep, súıretilip úıine jetip esikten kire qulaıdy. Birazdan keıin basyn kóterip:

— Ýf, qýyp júrip áreń degende nysanama iliktirdim-aý, áıteýir, — deıdi.

— Oý, Iteke, bul seniń sharýańnyń jartysy ǵana, qıyny áli alda. Erteń qoıandy izdep tabasyń, sodan soń sýretin berý úshin taǵy kúni boıy qýalaısyń, — degen eken sonda mysyq.

Sol aıtqandaı, onsyz da azaby bir basqa jetip-artylatyn qalamgerliktiń moınyna zildeı bolyp naryq artyldy. Endi talanttyń emes, kúnde bir kitapty "súıkeı" salyp, olaryn domdap-domdap tarata alatyn pysyqaılyqtyń kúni týdy.

Áı, zaman-aı, deseńshi?!.

---