InfoHub Logo

Bekturdy bala kezinen biletinmin. Áke-sheshesi taǵdyr taýqymetin kóp kórgen, qarapaıym, sharýa jandar edi. Ózi de joqshylyqtyń shetin kórip ósipti. "Mektepke jamaý shalbarmen, kókem tigip bergen shoqaımen baratynmyn" deıtin Bektur bir áńgimesinde. Eń bastysy onyń adamgershiligi bıik, adal edi. Sol úshin ony jaqyn tartatynmyn.

Arada jyldar óte Bektur qyzmetke turdy, syrttaı joǵary oqý ornyn bitirdi. Qoly shyǵyp, tabysy mol oryndy saǵalady. Qos-qos mashına minip, ústi-ústine úı aldy. Áńgime onda emes. Endi burynǵy ımanjúzdi, syzylǵan jigit, aýyzdyǵa des bermeı bósetin boldy, aıtatyny baılyq pen bılik, mansap pen tamyr-tanystyq Sózderi kesek-kesek, basqany tyńdamaıdy. Kezdese qalyp, áńgimelesip edim, tanymaı qaldym. Adamnyń ózgerýi ońaı eken ǵoı.

Osyndaıda mańdaıshaǵa jaman tymaǵy men jyrtyq shapanyn ilip qoıyp, "Aıaz álińdi, qumyrsqa jolyńdy bil" dep, ótkenin esine alyp, asyp-tasýdan qashatyn Aıaz bı oıǵa oralady.

Al, Bekturdyń esine endi ótken kúnder túser me eken?

Áı, qaıdam...

Sábıge ómir syılaǵan qudiret

Óli men tiriniń dostyǵy týraly ańyz

---