InfoHub Logo

Ortamyzdan úlken adam — qadirli Muqan ketti. Orny úńireıip qaldy. Onyń úlkendigi jasynan góri isinde, búgingisinen góri erteńinde, súıkimdi, sulý minez-qylyqtarynda edi. Onyń bul qasıetterin jandy jempaz uzaq aýrý moıyta almady. Kóńilin suraı talaı bardym. Jasyǵan, tirshilik, tvorchestvolyq, úmit armandardan aınyǵan bir kezin kóre almadym. Etinen arylyp, tek sińirge ilinip jatsa da jurtshylyq áńgimeleri, tipti joldastyq ázil-qaljyń aýzynan túsken joq.

Esil erdi sum ajal alyp tyndy. Biraq, Muqannyń kórkem beınesi, halyqtyń kóńiline ekken jemisteri kún ótken saıyn, eske alǵan saıyn boılap óse bermek.

Átteń, qımas joldastan, aıaýly dostan ómiriniń eń qyzyqty shaǵynda aıyryldyq. Saıyp kelgende armannyń úlkeni kep jasaý emes, kóp istep, biregeı istep, artqa úlken mura qaldyrý ǵoı. Muqan qaldyrǵan mura halqynyń altyn qazynasyna qosyldy. Jańa qazaqtyń jańa án-kúıin jasaýda Muqan Tólebaev esimi kórnekti kompozıtorlar qatarynda turýy da kúmánsiz. Kózden ketkenmen kóńilden ketpeıdi ol.

1960

---