InfoHub Logo

Ózine-ózi ǵana emes-aý, búkil álemge ólim, apat ázirleýshiler de adam ba? Adam degen uly attan sadaǵa ketsin olar. Záýede soǵys bola qalsa, burynǵy soǵystar munyń qasynda ánsheıin tóbelestaǵy. Amerıka oıly, ónerli jurt. Bárine túsinedi. Túsine tura sol eldiń bıleýshileri jerdi, aıdy aınalǵan raketaǵa samoletti qarsy jiberýi tańǵalarlyq is — Ajaldy qarǵanyń búrkitpen oınaǵany sıaqty. Samolet jeti qabat kóktiń ústine shyqsa da raketanyń bir mytqýynan qalmady. Sonda jer betinde odan ne qutylmaq?! Eńbekshi ataýlynyń uly qýanyshy ústinde — dál 1 Maı kúni sovet kúzetshileri qolǵa túsirgen osy atyshýly aspan qandybalaǵyn Amerıka úkimeti qoldan attandyrsa masqara ǵoı. Eger attandyrmasa, bilmeı qalsa, tipti masqara. Qandybalaq soǵys órtin tutatqaly júr. Tutanyp ketse dúnıe ne bolmaq?! Bul oqıǵa bizdiń halqymyzdy qatty jırentti, saqtandyrdy, oılantty. Óıtkeni, biz tarıhta teńdesi, uqsasy joq, eńbekshi adamzat arman etken — komýnızm atty jańa dúnıe jasap jatqan elmiz. Ol dúnıeni búldirmek túgili kirshik keltirgen qol kesiledi. Joǵarǵy Sovet úı, keshegi V sesıasynda qabyldanǵan — jumys ýaqytyn qysqartý, salyqtardy joıý, jeńildetý, aqsha ózgerisin jasaý zańdary jeti jyldyq jospardy oryndaý jolyndaǵy alyp adym. Osy sesıada aıtylǵan depýtattardyń, aqyldy, keıde tipti ashýly sózderiniń ózi búkil sovet halqynyń, onyń ishinde qazaqtyń da qybyn qandyrdy. Halqymen birge ósip, bite qaınaǵan jazýshy mundaıda tynysh qala almaıdy. Sondyqtan men ún qostym.

1960

---