InfoHub Logo

Joldastar, jaqyn-jarań tilektester!

Meniń jetpiske kelgenime osynsha qýanyp, qurmet kórsetkenderińiz úshin kópten-kóp rahmet, kópten-kóp alǵys aıtamyn. Bul qurmetterińiz ádebıet qurmeti. JazýJoldastar, jaqyn-jarań tilektester! Shyǵa ádebıetten ardaqty eshteńe joq. Ádebıet eńbek ataýlynyń ishinde eń qıyndarynyń, eń uzaq jasaıtyndarynyń, adam janyna kerekti qorekterdiń biri.

Mıllıondaǵan qoldar, myńdaǵan aqyl-oılar jasap jatqan osynaý eńbek dúnıesin jazýshy jalǵyz otyryp ádebıette qaıta jasap shyǵady. Sol mıllıondar jasaǵan dúnıe ómir aǵynymen ámen ózgeredi. biz kórgenniń talaıyn keleshek qaýym bul qalpynda kóre almaıdy, kórýge, bilýge yntyǵady. Mine sonda ádebıet óz zamanynyń syr, sıpatyn keleshek zamanynyń adamdaryna aıtyp beretin aqıqat shejire, kórsetip beretin túzý aına.

Bul kúnderde ǵylym-óner sharyqtaǵan shaq. Buryn myńnyń istegenin qazir júz isteıdi. Ádette ǵylym, tehnıka jańalyqtary tańdandyra keledi, boıǵa sińgen soń tańdanbaısyń, jaı ǵana tirshilik quraldarynyń birine aınalady. Al, ádebıet jańalyǵy olaı emes, boıǵa sińgen saıyn tańdandyra, súısindire túsedi. Mysaly: Abaıdy ákemiz oqydy, ózimiz oqydyq, balamyz oqydy, onyń balasy oqymaq, oqyǵan saıyn súısine bermek. Abaı tusymen salystyrǵanda bizdiń qazirgi ádebıetimiz ushan-teńiz. Alataýdaı bıik tur. Sonda da Abaıdyń ornyn birde-birimiz basa alǵan joqpyz. Saıyp kelgende aıtaıyn degenim, jaqsy ádebıet eskirmeıdi, jyldap emes, ǵasyrlap ómir súredi. Ol adam syry, adam áreketi, ári ǵylym, ári óner. Sondyqtan da ony jasaýshynyń dańqy urpaqtan-urpaqqa kete beredi.

Sovet jazýshylary osyndaı ádebıet jasaý jolynda talaı-talaı tabys tuǵyrlaryna kóterildi. Solardyń ishinde eń aqyrynda aty atalǵan jazýshy da baqytty. Jazýshy degen bıleti bar, tipti áldeneshe kitaby bar jazýshynyń ózi bul baqytqa jete bermeıdi. Talant, talmaı izdený ǵana jetkizedi. Bul ekeýiniń arymas keregi — bıik maqsat. Bizde bıik maqsat bireý ǵana. Onyń aty — komýnızm. Búgin sizder toılap otyrǵan meniń shaǵyn eńbegim qalpymen osy maqsatqa arnalǵan. Arnaǵanymdy maqtan ete almaımyn. Bir aǵamyzdyń, on atqanda bir oǵy nysanaǵa darymaıdy, sonda da myltyq ustaýyn qoımaıdy. Osyǵan uqsas jazýshylar arasynan da tabylady. Men jazýǵa otyrǵan saıyn táńirim tek solarǵa uqsata kórme dep sanaımyn.

Ómir qyzyqty. Jazýshy eńbegi de qyzyqty. Jaza bergiń keledi. Biraq tilekten ózgeniń bári ólsheýli. Muny eskermeske bolmaıdy.

Sizder mine oıdan, qyrdan jınalyp, úlken toı qurdyńyzdar, bir adamnyń eńbegin ár qaısyńyz óz eńbekterińizdeı kórip toılap otyrsyzdar. Eńbek dárejesi munsha bıikke kóterilgenin kári tarıh bilmeıdi, tek bizdiń zamanymyzda — sovet zamanynda ǵana kóterildi, eńbek merekesi halyqtyq dástúrge aınaldy. Jańa dástúr jasaý bárinen qıyn, bárinen qymbat. Sol qymbatty, qıyndy jasaýǵa bastaǵan danyshpan Lenınniń qudiretine, onyń partıasyna árdaıym alǵys aıtalyq. Uly partıanyń qatarynda bolýdy maqtan etelik.

Jaqsy sóz — jan azyǵy depti qazaq. Aqyn aıalaýdy unatady, — depti Marks. Ekeýin de danyshpan deseńizshi. Sizder maǵan rıza bolsańyzdar men sizderge odan da ári rızamyn. Jazýshy men halyq arasyndaǵy osy rızalyq ómir boıy jasaı bersin!

---