InfoHub Logo

Ertede kosatka men pıngvın dos bolypty. Sol kezde pıngvın qurlyqta da, sýda da óte jaı júzedi eken. birde kosatka pıngvınge jany ashyp, qalaısha tez júzý kerek-tigin úıretipti. Birneshe jyldan keıin pıngvınde júzbe qanat-tary paıda bolyp, sýda ózin balyqtaı sezinetin deńgeıge jetipti.

Sonda kosatka:

— Men saǵan júzýdi úırettim. Endi sen maǵan qurlyqta qalaı júrý kerektigin úıretshi, — deıdi.

Pıngvın qalaı úıretetinin bilmeı, kúnde erteń deı beripti. Bir orynda shektelmeı, únemi ár jerge baryp saıahattaýǵa qumar kosatka kúnderdiń kúninde Antarktıdadan alystap, Atlant muhıty arqyly Arktıkaǵa barypty. Arktıkada ol aq aıý, ıtbalyqty kó­redi. Olarǵa ol:

— Maǵan pıngvın qalaı qurlyqta júretinin úıretpedi. Bálkim sender maǵan úıretersińder, — deıdi.

— Jaqsy, — deıdi aq aıý. — Aldymen jaǵaǵa shyq, sosyn ıtbalyq ekeýmiz saǵan jaqsylap úıreteıik.

Kosatka jaǵaǵa shyqqanda aq aıý ony baılaı jóneledi de, ıtbalyqqa:

— Tezirek, tabaq, pyshaq alyp kel. Biz búgin toıyp tamaq­ta­naıyq, — deıdi.

Itbalyq tabaq, pyshaqqa jaılap baramyn degenshe kosatka sekirip sýǵa súńgip ketedi.

— Men endi senderge senbeımin. Aldaǵy ýaqytta kórsem jeıtin bolamyn, — dep Antarktıdaǵa qaraı betke alady.

— Qap, myna ońbaǵannyń sózin estidiń be? Jybyrlap, nege tabaq pen pyshaqty jyldam ákelmediń? — dep aq aıý ıtbalyqqa tura umtylady. Itbalyq áýpirimdep qashyp úlgeredi. Sodan beri Arktıkada júrgen ıtbalyqty kórse, aq aıý jeıtin bolypty.

Atlant muhıtynyń ońtústik baǵytymen Antarktıdaǵa júzip jetken kosatka bar kórgenin pıngvınge aıtypty. Bul kezde pın-gvın dostarymen jınalyp, muzdyqta ash turǵan bolatyn.

— Úıreter edim. Biraq, bilesiń ǵoı, meniń jaı júretinimdi.

— Eshteńe etpeıdi. Men jaı júrsem de qurlyqta qalaı ómir sú­rý kerektigin úırensem deımin.

— Jaqsy, endeshe. Jaǵaǵa shyq.

Kosatka jaǵaǵa shyqqanda pıngvınder kosatkaǵa jabyla jó­neledi. Bir pıngvın onyń denesine pyshaq salyp jaralaıdy. Al basqalary ot jaǵa bastaıdy. Jaraly kosatka pıngvınderden áreń degende qutylady.

Sýda biraz júzgennen keıin kosatkanyń dostary ony emdeıdi. Kosatka bar kórgenin aıtyp berip:

— Aldaǵy ýaqytta qurlyqta júrgen kez kelgen ańǵa shabýyl-dap jeıtin bolyńdar. Olardy aıamańdar. Bular bizdiń dush­pan-darymyz, — deıdi.

Osylaısha bir kezde Antarktıdada momyn balyq bolǵan kosatka jyrtqyshqa aınalady. «Dushpandarynan» kek alý maqsatynda ár muhıtta júretini osydan qalsa kerek. Jaǵaǵa jaqyndaǵanda «pıngvın, aq aıý, ıtbalyq joq pa eken» dep izdeıtini osydan qalsa kerek.

---