InfoHub Logo

Kúreńot (ıvan-chaı, botanıcheskoe nazvanıe kıpreı ýzkolıstnyı, Epilobium angustifolium) — bıiktigi 2 metrge deıin jetetin, kóp jyldyq, shóp tektes ósimdik. Japyraqtary uzynsha, kezektesip ornalasqan. Sabaǵy tik ósedi, gúlderi qyzyl, keıde aq tústi uzyn, masaq tárizdenip shoǵyrlanyp turady. Jemisi - uzynsha kelgen jińishke qaýashaq, ishinde kóptegen dánderi bar.

Taý betkeılerindegi shabyndyqtarda ósedi. Dárilik maqsat úshin ósimdiktiń japyraǵyn jınaıdy. Quramynda herofıllın degen alkaloıd, ılik zattar, S vıtamıni bar. Budan jasalǵan dárilerdiń nerv júıesin tynyshtandyratyn, qabynýǵa qarsy áser etetin qasıetteri bar. M.N.Barınanovtyń málimetterine qaraǵanda, salystyrylǵan 50 ósimdiktiń ishinde kúreńot qabynýǵa qarsy áser egýi jaǵynan birinshi oryn alady. Halyq medısınasynda asqazanǵa jara túskende, bas aýyrǵanda, ishek qabynǵanda bul ósimdikti shaı retinde demdep ishedi.

Dárini daıyndaý jáne qoldaný tásili

15 gram ósimdikti 1 stakan kaınap turǵan sýǵa salyp, 20 mınýt tundyrady da, 1 as qasyqtan kúnine 3 ret tamaq aldynda ishedi.

---