InfoHub Logo

Qatysýshylar:
Kúshik
Qasqyr
Mysyq
Buzaý
Túıe

Qasqyr. Eı, kúshik, men seni jeımin!

Kúshik. Qoı, qasqyr kókeshim, qoıa tur! Áýeli meni toıǵyz. Sosyn baryp jeseń, tátti bolamyn.

Qasqyr. Jaraıdy, aıtqanyń bolsyn. Meniń sońymnan er, qyzyq kórsetem... Kórdiń be, ana sıyrdy?

Kúshik. Iá, kórdim!

Qasqyr. Endi maǵan qarashy! Kózderim, qulaqtarym, aýzym, quıryǵym qandaı eken?!

Kúshik. Seniń eki kóziń shoqtaı jaınap tur, eki qulaǵyń jymıyp ketipti. Aýzyń arandaı ashylypty. Quıryǵyń artqy eki aıaǵyńnyń arasyna qystyrylyp qalypty. Ózi jas shybyqtaı bolyp maıysyp ketipti.

Qasqyr. Áp-bárekeldi! Durys aıtasyń. Endi meniń ne isteıtinime qara da tur.

Kúshik. Qaseke, qandaı kúshtisiń?! Myna buzaýdy alyp urdyń-aý! Ekeýmiz de et jep, máre-sáre boldyq.

Qasqyr. Men toıdym. Seniń etińdi endi jemeımin. Qosh bol!

Kúshik toıyp jatqanda oǵan bir ash mysyq keledi.

Kúshik. Eı, men seni jeımin!

Mysyq. Qoı, kúshik, qoıa tur. Áýeli meni toıǵyz. Sonan soń jersiń.

Kúshik. Jaraıdy, aıtqanyń bolsyn. Meniń sońymnan er, qyzyq kórsetem!

Mysyq. Maqul, ersem ereıin. Qyzyq kórgen qandaı jaqsy!

Kúshik. Áı, mysyq, kórdiń be ana túıeni?

Mysyq. Kórdim. Ol qyzyq emes qoı.

Kúshik. Qazir qyzyq bolady. Maǵan qarashy: meniń kózderim, qulaqtarym, aýzym, quıryǵym qandaı eken?

Mysyq. Keremet! Qorqynyshty. Kózderiń bozaryp, qulaqtaryń salpıyp tur. Aýzyń ańqıyp tur. Tiliń salaqtap ketken. Quıryǵyń salbyrap tur.

Kúshik. Tipti jaqsy! Demek kúshtimin. Endi meniń ne isteıtinimdi kór de tur! (Túıeniń aıaǵyn tisteıdi.)

Túıe. Má, saǵan! Aıaǵymdy tisteıtin batyrsyń ǵoı. Dáldep teptim, sespeı qattyń. Tart sazaıyńdy.

Mysyq. Áı, aqymaq kúshigim-aı! Túımedeı bolyp taýdaı túıede neń bar edi! Áline qaramaǵan álek degen. Meniń etimdi jemek bolyp ediń... Seniń etińdi endi men jeımin. Ha-ha-ha!