InfoHub Logo

Qyzylorda oblysy,
Qazaly aýdany, Qazaly aýyly,
№100 orta mektebiniń I sanatty bastaýysh synyp muǵalimi
Saýlebaeva Lázzat Shákıqyzy

Sabaqtyń taqyryby: Á. Qońyratbaev «Kıiktiń aılasy»
Sabaqtyń maqsaty:
a) Bilimdilik: Oqýǵa qyzyǵýshylyǵyn oıatý, túsinip oqý, júıeli baıandaýǵa, óz oıyn, pikirin ashyq jetkize bilýge úıretý, kıik týraly maǵlumat berý.
á) Tárbıelik: Oqýshylardy birlesip jumys isteýge, ózara syılasýǵa tárbıeleý, qorshaǵan ortaǵa súıispenshilik sezimin tárbıeleý.
b) Damytýshylyq: Oqýshylardyń syn turǵysynan oılaý qabiletin, til baılyǵyn damytý.

Sabaqtyń tıpi: Jańa materıaldy meńgertý
Sabaqtyń túri: Damytpaly sabaq
Sabaqtyń formasy: Toptyq
Kórnekilikteri: Interaktıvti taqta

Sabaqtyń barysy:
İ. Uıymdastyrý kezeńi.
Oqýshylardyń nazaryn sabaqqa aýdarý. Oqýshylardy úsh topqa bólý.

İİ. Qyzyǵýshylyǵyn oıatý. Taqtadan kıiktiń sýretin kórsetemin.
- Balalar, sýrettegi qandaı ań?
- Kıik
- Onda búgingi sabaqta jerlesimiz Áýelbek Qońyratbaevtyń «Kıiktiń aılasy» áńgimesin oqımyz.
Avtor týraly maǵlumat berý.
Á. Qońyratbaev
1905 j. Qyzylorda oblysynda týǵan
Jazýshy, ǵalym, ustaz
Orta mektepte oqytý ádisteme negizin qalady
«Sur kójek», «Balýan» t. b. áńgimeleri
1986 j 81 jasynda qaıtys boldy

İİİ. «Dóńgelek ústel ádisi
1 topqa: Kıik týraly ne bilemiz?
Bul suraqqa «Dóńgelek ústel» ádisimen jaýap beredi. Toptaǵy ár oqýshy kıik týraly óz bilgenin jazady. Ár oqýshy bir sóılem jazyp, kezekti oń jaǵynda otyrǵan kelesi oqýshyǵa beredi. Kelesi oqýshy óz bilgenin jazady, aldyńǵy oqýshynyń jazǵanyn qaıtalamaý kerek. Osylaısha ár oqýshy óz bilgenin jazyp shyǵady. Mysaly, Kıik júırik ań. t. b.

2 topqa: Tirek sózdermen jumys. Tirek sózder: qasqyr, kıik, aıla. Osy sózderdi qatystyra otyryp, toptaǵy balalar shaǵyn áńgime qurastyrady.

3 topqa: «Venn» dıagramsyn jasaý. Venn dıagramsy qabysyp jatqan eki dóńgelekten turady. Kıik pen qasqyr týraly biletinderin óz dóńgelegine jazady. Al ekeýine ortaq qasıetterdi ortasyna jazady.
Mysaly:
Kıik
Qasqyr

İV. Maǵynany taný

1) «Jıgso – 1» ádisimen oqytý. Mátindi aldyn - ala úshke bólemin. Ár toptaǵy balalardy 1, 2, 3 retimen negizgi toptardy eksport toptarǵa bólemin. 1 - ler bir topqa, 2 - ler bir topqa, 3 – ter bir topqa aýysyp otyrady. Mátindi retimen 3 topqa oqýǵa bólip beremin.
2) Eksport toptaǵy balalar berilgen mátin bólimin óz betterinshe oqıdy. Sonan soń, túsingenderin topta bir - birine baıandap, mazmunyn taldaıdy.
3) Eksport toptaǵy balalar negizgi toptaryna qaıta oraldy. Negizgi toptan ár oqýshy oqyǵan mátin bólimin retimen baıandap, óz bólimi boıynsha janyndaǵylarǵa túsindiredi. Osylaısha mátinniń tolyq mazmuny negizgi topta mazmundalyp túsindiriledi.

V. «Akvarıým» ádisimen ár toptan óz usynystary boıynsha oqýshylar taqtaǵa shyǵady. Mysaly, mátinniń 1 - bólimi boıynsha bir toptan, 2 - bólimi boıynsha kelesi toptan shyǵady. Olar mazmunyn baıandaıdy. Osy ádis boıynsha mátin mazmunymen barlyq synyp oqýshylary tanysady.

Muǵalimniń mátindi oqýy. Sózdikpen jumys.
Taıaq siltem jer – jaqyn jer.
Dińkesi quryǵan – sharshaǵan, qaljyraǵan.

VI. Tolǵanys «Bes joldy óleń» ádisin qoldanamyn.
Nusqaý
1. Taqyrypty sýretteıtin sóz. Zat esim bolýy tıis.
2. Taqyrypty sýretteıtin eki syn esim.
3. İs - áreketti kórsetetin úsh sóz.
4. Tórt sózden turatyn maǵynaly sóılem.
5. Sońǵy sóz sınonım bolýy kerek.

VII. Oqýshylardy baǵalaý, madaqtaý.
VIII. Úıge tapsyrma
Erkin jazý (esse) «Kıiktiń aılasy» áńgimesin oqyǵannan keıin qalyptasqan kıik týraly pikirlerin óz sózderimen erkin jazý.