InfoHub Logo

Búgin latyn álipbıine kóshý jónindegi arnaıy jumys toby qurylady. Bul týraly búgin Ortalyq komýnıkasıalar qyzmetindegi brıfıńte QR Bilim jáne ǵylym mınıstrligi Ǵylym komıtetiniń tóraǵasy Bolat Ábdirásilov málim etti.

Nursultan Nazarbaevtyń «Egemen Qazaqstan» gazetinde jarıalanǵan maqalasyna oraı  pikir bildirgen ol bul másele 2012 jyldan bastap jan-jaqty talqylanǵandyǵyn basa aıtty.

Sol kezde arnaıy top qurylyp,  onyń quramyna elimizdiń gýmanıtarlyq ınstıtýttary, Til bilimi ınstıtýty, Fılosofıa ınstıtýty kirdi. Ózbekstan, Ázerbaıjan jáne basqa da elderdiń tájirıbesi zerdelenip, ádisteri jasaldy. Al Memleket basshysynyń keshegi maqalasynda latyn álipbıine kóshýdiń naqty merzimi aıqyndalyp otyr. Bul jumysty bastadyq, búgin jumys tobyn qurý týraly sheshim qabyldanady dep oılaımyn. Onyń quramyna ǵalymdarymyzdy, til bilimi salasyndaǵy mamandardy shaqyramyz. Tájirıbe, belgili bir deńgeıde ázirlemeler bar. Menińshe, sáıkesinshe sheshim de qabyldanatyn bolady», -  dedi komıtet tóraǵasy.

Onyń atap ótýinshe, latyn álipbıine kóshý memlekettik deńgeıdegi óte aýqymdy mindet.

«Biz kóptegen ǵylymı saraptamalar júrgizýimiz kerek.  Sebebi latyn álipbıine kóshý barysynda ártúrli problemalar shyǵady. Máselen, birinshi synyptan bastap  oqýlyqtardy ózgertý kerek. Bul óte aýqymdy jumys. Bizde orys tilindegi basylymdar kırılısamen shyǵady. Al endi biz qazaq basylymdaryn latyn álipbıine ótkizsek qalaı bolmaq. Halyqaralyq-saıası da problemalar bar.  Degenmen bolashaq úshin latyn álipbıine kóshýimiz kerek», - dedi Ábdirásilov. 

---