InfoHub Logo

Láılá-Májnún ótken zamańdaǵy arab ádebıetiniń dáýirlep turǵan kezinde shyqqan belgili bir sulý dastany sanalady. Bul dastan dúnıe júzindegi mádenıetti elderdiń kóbiniń tilderine aýdarylǵan belgili jyr. Qazaq arasynda da «Láılá-Májnúnniń» aty kep jaıylǵan. Qazaq eliniń ádebıetinde aýyz áńgimelerinde «Láılá-Májnún», «Jan qurban», «Kirsiz» ǵashyqtyqqa úlgi, mysal bolǵan nárse. Bir-eki adamnyń ǵashyqtyǵyn áńgime qylǵanda «Láılá-Májnún» sıaqty dep ańyz qylysatyn.

Sol dáýirlep turǵan kezindegi arab eliniń baı ádebıetiniń ishindegi «Láılá-Májnún» eń sulý, eń kórkem qurylǵan, ushqyr qıaldy, názik syrshyldyqpen aıtylǵan iri dastan. Sondyqtan da arab ádebıetin tekserýshilerdiń kezine aldymen túsetin nárselerdiń biri osy «Láılá-Májnún» bolatyn. «Láılá-Májnún» sıaqty shyǵarmalar dúnıe júzindegi mádenıetti elderdiń eski ádebıetterinde biren-saran ǵana kezdesedi.

Biz dúnıe júzindegi mádenıetti elderdiń belgili ádebıet shyǵarmalarynyń bárimen tanysýymyz kerek. Onyń ishinde, qazaq arasynda ǵashyqtyqqa úlgi, mysal bolǵan «Láılá-Májnún» dastanymen de tanysýymyz kerek. Eskilikti zerttep teksergende «Láılá-Májnún» sıaqty bir belgili dáýirdiń qıalyn, nanymyn, tilegin, oı-óristerin, jan-sezimderin, turmysyn sýretteıtin nárse úlken derek bolady. Sondyqtan «Láılá-Májnúnniń» qazaqshasynyń kitap bolyp shyqqanyn durys kórdik.

Dastandy qazaqsha óleńge aýdarǵan belgili aqyn Shákárim Qudaıberdiuly.

1935 jyl

---