InfoHub Logo

Lenın óldi degen habar búkil dúnıe eńbekshileriniń tóbesinen jaıdaı aǵyp tústi: onyń ber jaǵynda buryn ezilgen, endi oıanyp kele jatqan Kúnshyǵystyń tóbesine dálirek tústi.

Shyǵystyń túrli halyqtarynyń ótken zamandarda talaı uly adamdary, danyshpandary, paıǵambarlary, qaharmandary bolǵan; ol adamdarynan aırylyp ta júrgen. Biraq ol uly adamdar tek bip halyqqa ǵana, durysynan aıtqanda, bir halyqtyń aýqatty taptaryna ǵana qymbat edi.

Lenın — shyǵystyń barlyq halyqtaryna qymbat. Bulardyń ishinde Lenın — danyshpannyń danyshpany, kózi qyraǵy paıǵambar, úzdik týǵan qaharman.

Tóńkeris tartysynyń, jalshylar toby quraldanyp kóterilýiniń eńbekshilder ákiminiń tutqasy, jıhangerlik tegeýirinde ezilgenderdiń qorǵany shyǵys halyqtarynyń kózinde — Lenın edi.

Bútin shyǵysta, dalıǵan jalpaq shólderde Lenın atyn bilmeıtin bir úı, bir lashyq joq edi. Sol úıler men lashyqtar «súıikti basshysy dúnıeden qaıtty» degen habardy estigende qalyń qaıǵyǵa batady...

Uly kóshbasshymyzdyń, danyshpan ustazymyzdyń súıegi basynda qurmetti qaraýylda turǵanymda Qytaı ishińdegi bir qazaq áıeliniń muńdy óleńi men zary esime tústi. Ol óleńdi Lenın joldasqa arnaǵan eken. Óleń 1922 jyly qazaq gazetinde basylyp shyqty.

Óleń bylaı bastalady:

Kórseńder joldas Lenındi,
Aıtyńdar mynaý óleńdi.
Óleńim qaıǵy-zar meniń,
Kúndikte ósken áıelmin.

Shyǵystyń sorly áıeli, Lenın ólgenin sen de estirsiń!

Súıikti ustazymyz súıeginiń janynda turyp men qazaq áıeliniń osy qaıǵyly óleńin marqumǵa oıymmen jetkizdim.

Júregimdi qaıǵy-dert basyp, uly ustaz, seniń súıegine bas ıip, sálem qylamyn!

1924 jyl

---