InfoHub Logo

1. Komýnıstik uly armanǵa jetý jolyndaǵy qym-qýyt aıtys-tartystarda aqyl, bilim, ádis, seskenbeıtin júrek, qajymaıtyn qaırat jeńedi. Sosıalısik qoǵam adamdarynyń, sosıalısik obrazdardyń boıynan men aldymen solardy izdeımin. Adamshylyq basqa qasıetterdiń bári osylarǵa baǵynýshy, osylardy kórkeıtýshi bolýy kerek.

2. Myńdaǵan sovet jazýshylary bar. Solardyń ishinde sosıalısik ómirdi qulshyna jyrlamaıtyny kemde-kem. Bári jabyla jazsa da birde-biri bul ómirdiń, ony jasaýshylardyń tolyq beınesin áli jasaı almaı keledi. Óıtkeni, ol ómir, ol beıneler kitapqa syımaı jatyr. Halqymyz súıip oqıtyn Sholohov shyǵarmalarynyń ózi ómir dárejesinen tómen. Jazýshyda bas bireý, qol ekeý. Qansha jasampaz bolsa da ónege alatyny, kórsetetini ómir. Ómirdi mıllıondaǵan bastar, qoldar jasaǵan. Sondyqtan kitapqa syımaıdy. Telegeı-teńiz ómirdiń bir bólshegin ǵana nemese sansyz sıpatty, alýan syrly adamzattyń bir tulǵasyn uqsata jasap bergen jazýshy da halqynyń ardaqty azamaty. Mundaı jazýshylar bizdiń aramyzda az emes. Sondyqtan tizim jasap jatpadym.

3. Jazǵanymnan kórgenim, bilgenim, tipti bastan keshirgenim asyp túsedi. Bir kezde taqyryp az, kúsh kóp sıaqty edi. Endi taqyryp kóp, kúsh az. Oǵy azaıǵan ańshy orynsyz oq shyǵarmaıdy. Men budan bylaı tek sovettik memýar, esteliktermen shuǵyldanbaqpyn. Ótken ómirdi bizder aıtyp ketpesek, borysh arqalap ketken bolar edik. Memýar, estelikter tek shyndyq bolý kerek. Ótirikti qosty-aq avtordy qudaı atqany. Keıingi jas urpaqty adastyrmaq bolǵany. Ondaı avtorǵa halyqta, tarıh ta laǵynet aıtady.

1970

---