InfoHub Logo

«Mádenıettaný» termınin alǵash ret amerıkandyq antropolog Leslı Ýaıt usynǵan bolatyn. Mádenıettaný jeke pán retinde XIX ǵasyrdyń sońǵy shıreginde qalyptasa bastady. Mádenıettaný degenimiz  adamdardyń rýhanı mádenıeti men qoǵamnyń ózara árekettesý tendensıalary týraly ǵylym jáne onyń ınstıtýttaryn tutas fenomen retinde zertteıtin ǵylym salasy. Mádenıettaný mamandyǵy oqý úrdisine 1994 jyldan bastap endi.Qazirgi tańda Mádenıettaný mamandyǵynyń Qazaqstan Respýblıkasy boıynsha róli ósip, mańyzdy mamandyqtardyń birine aınalyp kele jatyr. Mádenıettaný mamandyǵynyń kóptegen erekshelikteri bar, sonyń ishinde onyń birneshe salany qamtıtyny. Mádenıettanýshylar Tarıh, Fılologıa, Etnografıa, Fılosofıa, Dintaný, salalaryn jaqsy biledi, sondyqtan keń aýqymdy gýmanıtarlyq mamandar bolyp tabylady. Bul mamandyqtyń ıesileri eshqashan jumyssyz qalmaıdy dep esepteımin. Óıtkeni Mádenıettanýshylar árdaıym suranysta bolady jáne suranys jyl saıyn aldyǵa qaraı óse beredi degen senimdemin.

Jalpy Mádenıettaný mamandyǵy boıynsha kóptegen jumystarmen aınalysýǵa bolady,sonyń ishindegileri: Uıymnyń mádenı-aǵartýshylyq qyzmetkeri, BAQ júıesinde mádenı úrdisterdi sholýshy, ishki ister jáne ulttyq qaýipsizdik organynyń arnaıy qurylym qyzmetkeri, referent, saraptamashy, ımıjeolog, qoǵamdyq baılanystar mamany, mádenı saıasat jónindegi maman. Jalpy jáne orta kásiptik bilim berý oqý oryndarynyń mádenıettaný oqytýshysy. Jáne de meniń kóńilime eń jaqyn is, ol Mádenı qundylyqtardy baǵalaý boıynsha saraptamashy men Galereıalarda bas maman bolyp jumys isteý.

Mádenıettanýdyń jalpy adam ómirine mańyzy óte zor,óıtkeni bul tek qana kúnkóris úshin qajet mamandyq emes, kerisinshe adamdy jan jaqty damytatyn, oı órisin úlkeıtetin, ómirge degen kózqarasyn ózgertetin, adam balasyna naǵyz qajet bilim salasy dep esepteımin. Osy mamandyq ıeleri, óziniń adamı qasıetterin joǵary deńgeıge kóterip qana qoımaı, kóptegen mamandyq ıeleri bolýǵa múmkindik alady jánede árdaıym suranysta bolady. Mádenıettaný mamandyǵyna degen suranys damymasa eshqashan kemimeıtinine men kemil senimdemin. Bul mamandyqtyń bolashaǵy óte zor, óıtkeni ol adam balasyn naǵyz jeke tulǵa etip shyǵaratyn mamandyq dep esepteımin.

Óndiristik tájirıbe jetekshisi Esbolova Móldir Aýeltaevna.

Jeksenbınova Juldyz, “Ál-farabı atyndaǵy Qazaq Ulttyq Ýnıversıteti”, “Fılosofıa jáne Saıasattaný fakúlteti”, “Dintaný jáne Mádenıettaný kafedrasy”, Mádenıettaný mamandyǵynyń 2 kýrs stýdenti.

---