InfoHub Logo

Bir kedeı̆ jigittiń qolǵa úı̆rengen maı̆myly bolypty. Ol maı̆myldy ózi qaı̆da barsa da, birge ertip júripti.

Jaz aı̆ynda azyn-aýlaq malyna pishen shaýyp júrgende de maı̆myldy sońyna ertip alatyn kórinedi. «Serigiń suqsyr bolsa da, joqtan jaqsy» degendeı̆, jigit zerikkende ony ermek etip oı̆natyp otyrady eken. Maı̆mylǵa adamsha sóı̆leýdi de úı̆retpek bolyp, kóp áýrelenedi. Aqyrynda «alyp kel, alyp bar!» degendeı̆ sózderdi túsinedi. Taıaqpen bir nárseni soǵýdy da úı̆renedi. Iesi: «Úı̆ qaı̆da?» — dep suraǵanda, aýyl jaqty nusqaı̆dy eken.

Jigit maı̆myldy shabyndyqtaǵy qosqa kúzetshi etip qaldyryp, ózi tamaq ákelý úshin úı̆ine ketipti. Biraz ýaqyt ótken soń, jalǵyz qalǵan maı̆myl zerigedi de, qostyń tóbesine shyǵyp, odan ári aǵashtyń butaǵyna sekirip, ushar basyna shyǵyp, jan-jaǵyn barlaı̆dy.

Shıti myltyq asynǵan, azýly tóbetin aldyna salǵan ańshy atyn qan sorpa etip, bórini qýyp kele jatyr eken. Qýǵynnan qalaı̆ qutylaryn bilmeı̆ sasqalaqtaǵan jyrtqysh bir kezde maı̆myldyń ózi ushar basyna shyǵyp otyrǵan aǵashqa qaraı̆ oı̆ysypty. Aǵashtyń túbine jetkesin bóri maı̆mylǵa:

— Meni jasyra turshy, jarqynym? Osy qýǵynnan tiri qalsam, ómir boı̆y qulyń bolyp óteı̆in, — dep jalynyp, jylarman bolady.

Maı̆myldyń qasqyrǵa jany ashyp, aǵashtan sekirip túsedi de, qorbańdap júgirip baryp, qostyń esigin ashyp:

— Kir mynaǵan! — depti.

Al ańshy qostyń janyna kelgende onyń susynan qatty seskengen maı̆myl aǵashtyń basyna shyǵyp ketipti. Ol jaı̆ turmaı̆, alǵa qaraı̆ qolyn silteı̆di. Ańshy onyń aldaǵanyna senip, alǵa qaraı̆ shaba jóneledi. Ol uzap ketkesin, maı̆myl:

— Bir ajaldan qutqardym, qasqyrym! Endi óz jónińe júre ber. Biraq bul jaqsylyǵym úshin qandaı̆ syı̆lyq beretinińdi aı̆typ ket, — deı̆di.

— E-he, mynanyń dámesiniń zoryn qara! Men seni borshalap, parsha-parshańdy shyǵaryp, jep alaı̆yn! Budan artyq saǵan qandaı̆ syı̆lyq kerek? — dep, bóri tisterin saqyldatady.

— Á-áı̆-áı̆, toqta! Meni jeýge asyqpa! Bireý tóreligin aı̆tsyn, seniki durys dese, ne isteseń de erkiń, — depti muńaı̆yp qalǵan momyn maı̆myl.

Sol mezette qarlyǵash qalyqtap ushyp keledi. Ekeýi soǵan júginedi. Sonda qarlyǵash:

— Qaseke, maı̆myldyń qojasy keletin mezgil boldy. Sondyqtan bul daýdy alysyraq, tasalaý jerge baryp shesheı̆ik, — deı̆di.

Aramdyq oı̆lap turǵan qasqyrǵa bul usynys unap ketedi de:

— Durys aı̆tasyń. Kózge túspeı̆tin jerge baraı̆yq. Al qalyńǵa qaraı̆ basta bizdi, — deı̆di. Ol maı̆myldy aldyna salyp, qarlyǵash ushqan jaqqa jorta jóneledi.

Shóp shaýyp júrgen jigit jyrtqysh ańdar júretin jerlerden or qazyp, onyń aýzyn jer betimen birdeı̆ tegistep búrkemelep, ústine ólekseniń etin tastap júretin edi. Qarlyǵash qasqyrdy týra solardyń birine bastap kele jatqan-dy. Sondaı̆ ordyń birine jete bergende, kókjal ólekseniń ıisin sezip qalady. Kúni boı̆y qýǵyn kórip, qarny ashqan onyń silekeı̆i shubyra jóneledi. Qasqyrdyń kóz jumyp, tamsanyp turǵan sátin paı̆dalanyp, maı̆myl aǵashtyń basyna shyǵyp ketedi. Qasqyrdyń onymen isi de bolmaı̆, óleksege tura umtylady. Sol sátte-aq ol orǵa gúmp beredi, muny kórgen maı̆myl qojasynyń nasybaı̆ úgetin keldegin ákelip, ózin jemekshi bolǵan jyrtqyshty soǵa beripti, soǵa beripti.

---