InfoHub Logo

Kúzdiń alǵashqy aı̆y. Sary taýyq balapandaryn ertip, shegirtke qýyp, aýyldan uzap ketken. Shaı̆daı̆ ashyq kún aıaq astynan buzyldy. Aspandy qara túnek bult basty. Jarq-jurq etip naı̆zaǵaı̆ oı̆nady. Jańbyr quı̆yp ketti. Sary taýyq balapandarymen sýyq jańbyrdyń astynda qaldy. Asyqqanmen mekenine jete alatyn emes. Balapandar qara qanattanbaǵan. Jyly júni áli shyqpaǵan balǵyn. Sary taýyq qatty sasty. Balapandarymdy aýyrtyp alamyn ǵoı̆ dep qaýiptendi.

Shójelerin qos qanatynyń astyna alyp, baýyryna basty. Bir balapany syı̆maı̆, syrtta qaldy. Ana aı̆la jasap, balapandaryn kezektestirip, bir-birden tysta ustap, tońa bastaǵanda, baýyryna alyp otyrdy. Kezek eń kenjesine keldi. Ana ony syrtqa teppedi.

— Ony nege shyǵarmaı̆syz? — dep surady bir aq balapan.

— Ol tym jas.

— Jas bolsa qaı̆tedi? Kezegi kelgende ol da shyqsyn.

— Ol syrqattanyp qalady. Kishimizge ózgemiz qamqorshy bolýymyz kerek emes pe? Káne, bunyń ornyna kim barady? — dep surady anasy.

— Men, — dedi tuńǵyshy.

— Men baraı̆yn! — dedi oǵan tetelesi.

— Kezekti maǵan berińiz! — dedi onan kishisi.

— Men qalam ba sonda? — dedi alǵash qarsylyq bildirgen aq balapan.

— Qateńdi túsinipsiń, seniń barǵanyń jón! — dedi sary taýyq balapandy tysqa qaraı̆ ysyryp.

Sary taýyq sý ótip, qatty jaýrady. Biraq balapandaryn tońdyrǵan joq. Balaǵa degen ystyq mahabbatymen jylytyp, saqtap qaldy.
Kún ashylyp, ana júregindeı̆ jadyrady. Sary taýyq balapandarym jylynsyn degendeı̆, azyq izdep júgire jóneldi.

---