InfoHub Logo

Memleket  basshysynyń  el damýynda qozǵaǵan mańyzdy  reformalar
Ál-Farabı atyndaǵy QazUÝ Tarıh fakúltetiniń 
dosenti, t.ǵ.k. Gúlnar Qozǵambaeva 
 
Qazaqstan Respýblıkasynyń Prezıdenti Qasym-Jomart Kemeluly Toqaev Qazaqstan halqyna kezekti Joldaýyn 2022 jyldyń 16 naýyz kúni jarıa etti. Búgingi Joldaýdyń máni men mazmuny aıryqsha boldy. Memleket basshysy áýeli bıylǵy qańtardaǵy dúrbeleń oqıǵasy jáne onda qurban bolǵan otbasylaryna kóńil aıtýdan bastady. Ótken qańtar dúrbeleń oqıǵasy týraly  málimetter jarıalap, qazaq eliniń  aldyna qoıǵan mindetteriniń máni men mańyzy aıryqsha ekendigine toqtalyp ótti. Osy kúnde halqymyz birtutas ult ekendigin tanytyp, Otanshyldyq rýhynyń arqasynda qasıetti táýelsizdigimizdi saqtap qalǵandyǵyn erekshe atap ótti.
Prezıdent Qazaqstan halqyna Joldaýynda tuǵyry myǵym el bolý jolynda kedergilerdi eńserip, qıyndyqtardy jeńý jolynda berekeli birlik pen eseli eńbek arqyly jetý kerektigimizge úlken mán berdi. Memlekettiń tıimdiligi jáne respýblıka halqynyń turmysyn, ál-aýqatyn arttyrý men jaqsartýǵa negizdelgen bastamalar men mindetterdi atap ótti. Saıası partıalar derbes kóppartıalyq júıede ashyq básekelestik oryn alatyny týraly aıtyldy. Parlamentti kúsheıtip, depýtattardyń qyzmetin, senatta 15 depýtattan 10-ǵa qysqartý qajettigi, sonymen qatar tómengi palatanyń quzyretin keńeıtý qajettiligi aıtyldy. Elimizde kóptegen aýqymdy jobalar men baǵdarlamalar bar, biraq olardy júzege asyrý barysy kóńil kónshitpeıdi, sondyqtan parlament respýblıkalyq búdjettin sapaly oryndalýyna baqylaýdy kúsheıtý qajettiligine mán berildi. Osy oraıda esep komıtetiniń ornyna joǵary aýdıtorlyq palata qurý týraly málimdeldi. Onyń tóraǵasy Májilis depýtattary aldynda jylyna eki ret esep berý kerektigi jáne osylaısha Májilistiń mártebesi artatyndyǵyn málimdedi. Saılaý júıesin jetildirý, saıası jańǵyrýdyń basty maqsaty azamattardyń memleketti basqarý isindegi rólin arttyrý bolyp tabylatyndyǵyna mán berildi. Saılaý aldynda bergen ýádesin oryndamaǵan depýtatty keri qaıtarýǵa bolatyndyǵy qarastyryldy. Saılaý naýqany úzdiksiz úderiske aınaldy. Saılaýdy uıymdastyrý men ótkizý kezinde aýmaqty saılaý komısıa jumysyn kásibı túrde jetildirý máselesi jáne saılaýshylardyń biryńǵaı elektrondyq bazasyn qurý múmkindigin qarastyrý qajettiligine mán berildi.
 

---