InfoHub Logo

Mańǵystaý oblysy, Beıneý aýdany,
«Abaı atyndaǵy orta mektebi» MM
Beıneleý óneri páni muǵalimi Karasaeva Sýlýshash

Sabaqtyń taqyryby: Memlekettiń táýelsizdigi halqynyń baqyty.
Sabaqtyń maqsaty: 16 jeltoqsan merekesin negizge ala otyryp, beıneleý óneriniń qyr - syryn jan - jaqty úıretý. Jalpy ónerdi qurmet tutý, ónerge degen súıispenshiligin arttyrý, shyǵarmashylyqqa tárbıeleý.
Ádisi: Toptyq saıys, toppen jumys.
Kórnekiligi: Uran sózder, slaıd sýretter.
Qural – jabdyqtar: Qaǵaz, qaryndash, boıaýlar, ınteraktıvti taqta

Saıystyń barysy: 1. Uıymdastyrý
A) amandasý
B) toptardy ortaǵa shaqyrý

Muǵalim: Armysyzdar, qadirli qonaqtar men oqýshylar! Býgingi 4 - synyptar arasynda ótetin beıneleý pániniń «Jas sýretshiler» saıysyna qosh keldińizder!
Sálem berdik barshańyzǵa izetpen,
Erekshe bir kúshtilikpen, qurmetpen.
Qutty bolsyn táýelsizdik merekesi,
Ortaımasyn baqyt, qýanysh berekesi!
On altynshy jeltoqsan – Táýelsizdik alǵan kún
Erekshe bop máńgilik, el jadynda qalǵan kýn!- demekshi beınerolıkten úzindi kóreıik.

Muǵalim: Saıysqa qatysýshylardy ortaǵa shaqyraıyq. Júzden júırikti, myńnan tulpardy anyqtaıtyn ádilqazy alqasymen tanystyryp óteıin.
Bes top saıysqa túsedi.
İ top. «Qaryndash»
İİ top. «Boıaýlar»
İİİ top. «Sýboıaqtar»
İV top. «Qylqalam»
V top «Palıtra»
Óner dese órtenip janyp turar,
Sýsyndap sol ónerden qanyp turar.
Segiz qyrly, bir syrly saıyskerler
Kez keldi ózin - ózi tanystyrar, - deı kele, saıysqa túskeli otyrǵan toppen tanysaıyq.

1. Tanystyrý (ár top basshysy óz tobyn tanystyrady)
Muǵalim: Jarysta ozyp shyǵar júırikteri,
Árqaısysy baqtarynan kórer endi
Qanekı, órenderim saıysqa shyq,
Tań qaldyr bilimińmen kórermendi

2 - bólim.«Oqý - bilim qazyǵy, bilim - ómir azyǵy,(bul bólimde 5 top pán boıynsha suraqqa jaýap beredi)
Muǵalim: Án salyp, bı bıleımin dep qysylma,
Sýret salyp, óleń jazar óner bolsa qolyńda,
Qandaı óner bolsa - daǵy ónerliniń yrysy
Jarqyrap jatar árqashanda jolynda.

3 - bólim. «Kóńildi boıaýlar» (Bul bólimde ár toptan bir oqýshydan shyǵyp, tabıǵatqa baılanysty sýret salady)
Muǵalim: Kim tapqyr balaqan?
Oılan, tez tek jyldam.
Beıneleýdiń qaı túri
Taqtada bul turǵan

4 - bólim Kim tapqyr? (taqtaǵa birneshe sýretter ilingen, beıneleý óneriniń qaı túrinen ekenin aıtyp beredi)
Muǵalim: Kim jyldam tabady?
Zattardyń beınesin
Bir - birimen sýretter,
Tabý kerek úılesim
Byt - shyt bolyp shashylǵan,
Quraıdy eken kim jyldam?

5 - bólim. «Kim shapshań, kim jyldam?» (qıylǵan sýretterdi qurastyryp, qandaı beıne ekenin tabý)
Muǵalim: Oılan tap balaqan?
Túrli - túrli túster kóp,
Týrli - tústi súıemiz,
Túrlendirip júremiz.

6 - bólim. Oılan, tap! (sózderden tús attaryn shyǵarý)
Muǵalim: Kógere ber, kórkeıe ber, óse ber
Ómir joly eńbekpenen sheshiler,
Shyńǵa shyǵar shynar bolyp shynaıy
Kezdespesin eshqashanda kesirler,- dep, búgingi saıysqa qatysýshylardyń barlyǵyna sáttilik tileı otyryp, sóz ádilqazylar alqasyna beriledi.
Jeńgen topty marapattaıdy.