InfoHub Logo

SQO, Aqqaıyń aýdany, Smırnov aýyly.
qazaq tili men ádebıeti pániniń muǵalimi
Ismakova Ǵalıa Serikqyzy

Sabaqtyń taqyryby: Sóılem músheleri. Bastaýysh
Sabaqtyń maqsaty: Oqýshynyń bilimi men biliktiligi arqyly oı - órisin damytý, ushqyrlyq, oılaý qabiletin shyńdaý, shapshańdyq pen naqtylyqqa beıimdeý, alǵan bilimderin ómirde qoldana bilýge úıretý.
Sabaqtyń mindetteri:
1. Sóılem músheleri, bastaýysh týraly málimet berý
2. Oqýshylardyń sózdik qoryn molaıtý, oı - órisin, oılaý, este saqtaý, shyǵarmashylyq
qabiletterin damytý,
3. Rýhanı adamgershilikke tárbıeleý, qazaq tiline degen qyzyǵýshylyǵyn arttyrý.
Sabaqtyń túri: jańa sabaq
Sabaqtyń ádisi: suraq - jaýap, túsindirý, taldaý, toppen jumys, baǵalaý, halyqtyq pedagogıka elementteri
Sabaqtyń pánaralyq baılanysy: ádebıet, beıneleý óneri
Sabaqtyń kórnekiligi: Plakattar, tirek syzbalar, ınterbelsendi taqta, kespe jumystary, baǵalaý paraqshalary, refleksıa

Sabaqtyń barysy:
İ. Uıymdastyrý kezeńi
Yntymaqtastyq atmosferasyn qalyptastyrý úshin sabaqta shattyq sheńberin qoldanamyn. Shattyq sheńberin synyp kezekshisi ótkizedi. Balalar oryndarynan turyp, bir - birlerin dos bolýǵa shaqyrady.
Shattyq sheńberi
Jarqyrap kún de ashyldy,
Aınalaǵa nur shashyldy
Qaıyrly kún biz názik qyzdarmyz
Qaıyrly kún biz erjúrek uldarmyz
Dos bolaıyq ekeýimiz
Dospyz endi bárimiz
Búgin bizdiń sabaǵymyz erekshe bolady, óıtkeni sabaqta toppen jumys jasaımyz. Qazir aldyńyzda tórt túrli tústi qaǵaz jatyr, unaǵan tústerdi alyp, bir tústiler bir top quraıdy. Synypty topqa bólgennen keıin, toptyń kóshbasshysyn, ýaqyt tóreshisin, baıandamashysyn, hatshysyn jáne spıkerin tez arada taǵaıyndaıdy.
- Balalar sabaqty bastamas buryn, búgingi sabaqty ár oqýshy óz bilimin óz bıligine alyp baǵalaıdy. Ár oqýshynyń aldynda mynadaı baǵalaý paraqshalary jatyr. Sender ár kezeń saıyn ózderiniń bilimderińdi osy baǵalaý paraqshalaryna ýaqytyly engizip otyrysyńdar. Sabaq sońynda baldaryńdy qosyp, jıyntyq baǵasyn shyǵaryp bolǵannan keıin baǵalaý paraqshasyn muǵalimge tapsyramyz. Baǵalaý krıterııleri taqtada berilgen.
Endi jaıdary kóńilmen muǵalim úı tapsyrmasyn dıalogty qoldaný arqyly suraıdy.

İİ. Úı jumysyn tekserý
Dıalogty qoldaný ( oqýshy men oqýshynyń arasynda)
Suraqtar: «Men - saǵan, sen - oǵan» oıyny arqyly ótkizemin. Muǵalim ár topqa kespe qaǵazdaryn taratady. Ár topqa Z suraqtan qoıylady. Bul jerde ár toptan bir oqýshy turyp óz qalaǵan kez kelgen toptaǵy bir oqýshydan óziniń suraǵyn qoıady. Eger oqýshy durys jaýap berse, ol óziniń suraǵyn basqa toptaǵy bir oqýshy qoıa alady. Solaı sheńber jalǵasa beredi.

İ toptyń suraqtary:
1. Sóılemder aıtylý maqsaty men sazyna qaraı neshe túrge bólinedi?
2. Habarly sóılemge tán belgini ata.
3. Habarly sóılemniń ıntonasıalyq ereksheligin sıpatta

İİ toptyń suraqtary:
1. Suraýly sóılemniń anyqtamasyn aıt.
2. Suraýly sóılemniń ıntonasıalyq erreksheligin sıpatta
3. Lepti sóılem degenimiz ne?

İİİ toptyń suraqtary:
1. Lepti sóılem qandaı joldarmen jasalady?
2. Buıryqty sóılem degenimiz ne?
3. Lepti sóılemge tán belgi ne?

İV toptyń suraqtary:
1. Lepti sóılemniń ıntonasıalyq belgilerin sıpatta.
2. Buıryqty sóılemniń baıandaýyshy qandaı joldarmen jasalady?
3. Buıryqty sóılemniń ıntonasıalyq ereksheligin sıpatta.
Jaqsy balalar, jaýap bergen oqýshylar ózderiniń baǵalaryńdy baǵalaý paraqshalaryna qoıýdy umytpaıyq.

İİİ Jańa sabaq
Muǵalim jańa sabaqty taqtadaǵy mysalmen túsindiredi. Mysal: Erteń Ajar qalaǵa barady. Sóılemge uıytqy bolyp turǵan qaı sóz dep oqýshylardan suraıdy. Oqýshylar «Ajar» dep jaýap beredi. Ol qandaı suraqqa jaýap beredi. «Kim?» endeshe balalar kim? Ne? degen suraqqa jaýap berse, ol bastaýysh bolady. Sender bastaýysh synyptarda sóılem músheleri týraly jalpy ótken bolatynsyńdar. Endeshe suraq:
- Sóılem múshesi bolý úshin qandaı belgiler bolý kerek dep oılaısyńdar? (sóılem múshesi bolý úshin jeke turyp ta, sóılem ishinde turyp ta belgili suraqqa jaýap bere alatyn múshe)
- Jaqsy balalar, bul málimetti sender, bastaýyshta alǵan bolatynsyńdar al biz búgin sabaqta osy sóılem múshelerin tereńirek biletin bolamyz. Ol úshin dápterlerińdi ashyńdar, búgingi kúndi jazyp qoıaıyq. Sóılem músheleri. Bastaýysh.
- Balalar, taqtada suraqtar berilgen. Sender top bolyp osy suraqtardyń jaýaptaryn oqýlyq arqyly izdep, dápterge jazyp alady. Ýaqyt bes suraq bes mınýt ýaqyt. Osy jerde ár oqýshy rólderin umytpaý kerek.