InfoHub Logo

Mańǵystaý oblysy, Beıneý aýdany,
«Abaı atyndaǵy orta mektebi» MM
Beıneleý óneri páni muǵalimi
Karasaeva Sýlýshash

Beıneleý óneri 2synyp
Sabaqtyń taqyryby: Sımmetrıa uǵymy
Sabaqtyń maqsaty:
Bilimdiligi: Sımmetrıa týraly maǵlumat berý. Tabıǵattaǵy sımmetrıa kórinisin tabý, sımmetrıaly zattardy beıneleýge úıretý.
Tárbıeliligi: Oqýshylardy tabıǵatty, qorshaǵan ortany qorǵaı bilýge tárbıeleý.
Damytýshylyǵy: Sımmetrıany tanyp bilýdi damytý. Bilim bilik daǵdylaryn keńeıtý, tereńdetý.
Sabaqtyń túri: Toptyq
Pánaralyq baılanys: Ana tili, dúnıe taný, mýzyka.
Sabaqtyń ádisi: Túsindirý, sýret salý, toptyq jumys, kitappen jumys.
Sabaqtyń kórnekiligi: Oqýlyqtaǵy sýretter, sergitý sáti, sýretti kartochkalar, japyraq, kóbelek beınesi, úntaspa t. b.
Qajetti quraldar: Qaryndash, sýret dápter, akvarel, boıaý taqta, sý quıatyn saýyt, qol oramal t. b. zattar.

Sabaqtyń barysy: 1. Uıymdastyrý bólimi.
a) amandasý, oqýshylardyń sabaqqa qatysyn belgileý.
b) oqý quraldaryn tekserip, nazaryn sabaqqa aýdarý.

2. Úı tapsyrmasyn tekserý jáne suraý.
a) Oqýshylar jumystaryn tekserip, synyp bolyp taldap baǵalaý.
á) Ótilgen taqyryptan negizgi uǵymdardy eske túsirý.
1. Kıiz úı qandaı negizgi bólikterden turady?
2. Myna sýrettegi ulttyq kilemder qalaı atalady?
3. Kıiz úıdiń ishi qandaı bólikterge bólinedi?
4. Qazaqtyń ulttyq kilemderi qandaı oıýlarmen órnektelgen?
5. Kıiz úıdi tikken kezde shańyraqty kim kótergen?
6. Kıiz úıdiń kerege, ýyqtaryn kim qurastyrady?
7. Qazaqtyń ulttyq kilemderin ata?
8. Tústi jiptermen kestelengen kilem qalaı atalady?
a) tuskıiz
á) syrmaq
b) tekemet
9.«Kilem» sózjumbaǵy.

1. Kıiz úıdiń qabyrǵasy.
2. Tústi jiptermen kestelegen kilem.
3. Túrli jiptermen toqylǵan kilem.
4. Pisirilgen kıiz kilem.
5. Túrli tústi kıizden syryp jasalǵan kıiz kilem.
10. Oıý - órnekterdiń negizi neshe túrge bólinedi?

3. Sabaqtyń maqsatyn qoıý.
Sımmetrıa túsinigi jáne qubylysymen tanystyrý. Tabıǵattaǵy sımmetrıa kórinisin tabý. Sımmetrıalyq beıneleýdi monotıpıa tehnıkasynda oryndaýǵa úıretý.

4. Jańa sabaq: teorıalyq bólim:
Jańa taqyrypty ashý. Jumbaqtar sheshý.
Kóktemde kóktep shyǵady talǵa,
Kúzde sarǵaıyp túsedi jerge. (japyraq)
Gúlden gúlge qonady ara emes,
Aq, sary bop baý - baqshaǵa sán beredi? Ol ne? (Kóbelek)
- Búgingi jasaıtyn buıymdardy bildik (sýretterdi ilip qoıý)
Endi ózimiz aıtaıyqshy,
- meniń qolymda ne?
- japyraq
- osyny men búktedim
- dál bettesti
- endi qaıta ashtym
- eki jaǵy birdeı.
- endeshe bólikterdiń ekeýi dál bettesse ony sımmetrıaly dep ataımyz.
Oqýshylardyń ózderiniń mysal keltirýi (alaqan, kitap, dápter t. b.)

Eger sýrettegi beınelerdiń árqaıysyn teń ortasynan búktesek bólikter ekeýi bir - birimen dál bettesedi. Bulardy sımmetrıaly deıdi. Sender japyraqty, kóbelekti kórip tursyndar bular sımmetrıaly.
Kóbelek - sulýlyǵymen qatar paıdaly jáne zıandy jándik. Ol gúlden gúlge qonyp olardy tozańdandyryp, onyń kóbeıýine kómektesedi. Kóbelekter óte názik, áljýaz, sál jaqyndaǵannyń ózi olardy jaraqattaýy múmkin. Kóbelekterdiń kóptegen túrleri bar.
Álemdegi eń iri kóbelek - agrıppına. Qanatynyń uzyndyǵy - 27sm. Ol túnde ushady. Kóbelekterdiń ishindegi eń ademi kóbelek - ýlıs dep atalady.
Japyraq ósimdikterdiń aýada qorektenetin jáne dem alatyn múshesi.
Sımmetrıanyń kóptegen mysaldaryn turmystyq zattardan kórýge bolady. Aınaladaǵy zattarǵa qarap, oısha olardyń árqaıysysyn teń ekige bóletin syzyq júrgiz. Bul syzyq sımmetrıannyń osi dep atalady.