InfoHub Logo

H. Dosmuhamedov atyndaǵy Atyraý memlekettik ýnıversıteti
jýrnalısıka mamandyǵynyń III kýrs stýdenti Abaeva Aqtilek

Ámireniń arýaǵy bir silkingen shyǵar....

Fılmdi mýzyka qutqarǵan ǵoı. Shirkin, mýzykanyń qudireti deısiń. Professıonal túsirgeni kórinip-aq tur. Tek kimdi túsirgenin túsinbegen ǵoı, qaıran! Qazaqıanyń qanyndaǵy qasıetti jiti túsine almaǵan rejıser Djeff Vespa ony qaıdan bilsin?!

Mustafa týraly "basqasha" oı qalyptastyrǵan. Sonyń kesirinen Ámirege taıaqtyń ushy tıdi. Shoqaımen kezdespegende ǵoı dep qalasyń. Fransýjenkamen bolǵan senaǵa sózim joq, oǵan tipten toqtalǵym da kelmeıdi.

Sanjar bir ómirge qulshynys joq, aspannan túsken, emosıadan jurdaıǵa jaqyndaıtyn Ámireni oınap shyǵypty. Biraq kıgen kıim syptaı bop jarasa ketip, kelbetimen talaı aktórdi shette qaldyrǵan. Tek sál sal-serige tán serilikti qajet etti.

Án aıtqanda daýys Sanjardiki emes ekeni baıqalady. Ámireniń vokaldyq daýysyn somdaǵan Serjan Musaıynnyń daýysyna erem degen aktór bar sheberligin salǵanymen ilesip, shyńyna jetkize almady. Dese de dombyrany úırenip, ózi shertip turǵanyna alǵys.

Bul el tarıhyndaǵy Gollıvýd pen Qazaq fılm birlese túsirgen tuńǵysh týyndy. Árıne, Gollıvýdtyq saryn baıqalady.

Mádenıet mınıstri Arystanbek Muhamdıuly atalmysh kınonyń tanystyrylymynda: " Fılm elimizdiń aýdıtorıasyna emes, sheteldik kórermender úshin túsirilgen" degen edi. Sheteldik kórermenge arnalǵanymen bul bizdiń tarıh edi ǵoı!

Qorytyndylaıtyn bolsam, mýzykany janyndaı jaqsy kóretin jan retinde aıtarym, fılmde meni mýzyka "ustap" otyrdy. Ásirese, Leonıd Sobınov jáne Jorj Tıldiń daýystary.

Aıtpaqshy, 1925 jyly bul kisiler Ámiremen saıysqa túspegen. Mıǵa syıymsyz dúnıeni rejıser kórkemdik úshin qoldanǵan ǵoı, qaıtsin. Men kórgen "Ámire" osyndaı endi...

---