InfoHub Logo

H. Dosmuhamedov atyndaǵy Atyraý memlekettik ýnıversıteti
jýrnalısıka mamandyǵynyń III kýrs stýdenti Sargýbenova Sholpan

Eýropa men Azıany, Reseı men Qazaqstandy, Edil men Jaıyq boıynda ornalasqan, qazaq eline málim Atyraý-Astrahan jolynyń jaǵdaıy  qashanda nazar aýdartady.  

Atyraý-Astrahan tas jolynyń jalpy uzyndyǵy — 277 shaqyrymdy quraıdy. 30 jyldan beri tas jol jóndeý kórmegen. Jol óte tar,  taksıge otyryp osy eki eldiń shekerasyndaǵy jolmen júrseńiz shuńqyrdan kóz ashpaısyz. Ajal qushqan osy tas joldyń birneshe shaqyrymdary qanshama adamnyń  ómirin qıdy. 2018 jyldyń  ótken aılarynda oryn alǵan jol apattarynda — 7 adam qaza taýyp, 10 zardap shekken .

Jol — bul kútimdi qajet etetin jáne oǵan qarap, eldiń jalpy ál-aýqaty týraly qorytyndy jasaýǵa bolatyn kez kelgen memlekettiń birinshi aınasy .

Atyraý-Astrahan tas jolynyń boıymen ótip bara jatyp, soǵys bolyp nemese bomba jarylǵan jer dersiz. Joldar tar, úńireıgen shuńqyrlar. Osy tas jolmen júrgen árbir besinshi jeńil avtokóliktiń dóńgelegi jarylady. Al kórshiles Reseı memleketine jolǵa shyqsańyz,  Qazaqstandyq kedennen ótken kezde ǵana aldyńyzdan tep-tegis asfált shyǵady.

Eki memleket bir-birine etene jaqyn ornalassa da, joldary eki túrli, tipti salystyrýǵa kelmeıdi. Rasymen de jol muraty — jetý degendeı, sońǵy núktege jetkenshe, sharshap, únemi mashına qulap ketedi-aý, nemese qarsy shyǵyp qalama dep oılaısyń. Tipti basqa qalalardan kelgen qonaqtar osy tas jol týraly estise qorqynyshty sezimde bolady. Nege deısiz ǵoı? Sebebi kólikti osy jol arqyly jańa kólikti "óltirý" ábden múmkin ǵoı. Munaıly ólke Atyraý Qazaqstannyń baı, ekonomıkasy damyǵan, aldyńǵy qatarly qalalardyń biri. Eki qurlyq pen eki eldi baılanystyratyn tas jolyn jóndeý jobasy aǵymdaǵy jyldyń qyrkúıek aıynan bastaý aldy.

Qazir alǵashqy 60 kılometrdiń qurylysy júrgizilýde. Jospar boıynsha jol eki jyl ishinde aıaqtalýy tıis.

Tas joldyń Atyraýdan Reseımen shekaraǵa deıingi uzyndyǵy 277 shaqyrymdy quraıdy. Jol qurylysynda 500-den astam adam qyzmet etýde. Búgingi kúni "qaıǵy-joly" dep atalǵan joldyń, jóndeýden keıin óz qalpyna kelip eń tegis joldyń birine aınalatynyna senimdimin.

---