InfoHub Logo

Mamandyqty durys tańdaý - ómir jolynyń sáttiliginiń negizi.

E. F. Zeer

Mamandyq - árbir adamnyń súıip jasaıtyn kásibi. Mamandyq tańdaý ómirińdegi eń mańyzdy sheshimdi qabyldaý. Ómirde basqa nárseden qatelessek te mamandyq tańdaýdan qatelespeýimiz kerek. Sebebi mamandyq tańdaý arqyly biz óz bolashaǵymyzdy jasaımyz. Bolashaǵymyzdyń jarqyn, keleshegimizdiń kemel bolýy bizdiń tańdaýymyzǵa baılanysty. Mamandyqty durys tańdaý ómirińizdiń bir kirpishin durys qalaý. Meniń oıymsha árbir adam óz júregi qalaıtyn, qyzyǵýshylyǵyn arttyratyn mamandyqty tańdaý kerek. Óziń súıip jasamaıtyn mamandyqty tańdaý-ómirdiń qıynshylyǵyn tańdaǵanmen teń. Jasóspirim shaqtan úlken ómirge aıaq basqaly turǵan jas shaǵymyzdaǵy eń úlken mindet-mamandyq tańdaý.

Men tańdaǵan mamandyq-ár balanyń bolashaǵyna jol siltep, boıyna aqyl men bilim darytatyn, qarataýdyń qoınaýyndaı tereńde jatqan kendi ashyp, bilim men ǵylym jemisiniń dámin tattyratyn Ustaz mamandyǵy. Ulaǵatty ustaz bolý, jas urpaqty bilim nárimen sýsyndatý, óz bilgenimdi ózgege úıretý ol meniń júrek qalaýym. El qorǵaǵan batyrdy, aqyl oıy tereń danyshpanda, on saýsaǵynan óner tamǵan sheber de, tilinen bal tamǵan aqynda ustazdan tárbıe alady. Men de Qazaqstandy damytatyn aqylyna kórki saı erteńgi eldi bolashaǵy bolatyn jas mamandardy daıarlap shyǵaryp, olarǵa bilim bergim keledi. Mamandyq tańdaýdyń 

mańyzdy talaptarynyń biri - sen tańdaǵan mamandyqtyń qoǵamǵa qajettiligi. Men aǵylshyn tili páninen ustaz bolǵym keledi. Bul mamandyq qazirgi tańda qoǵamǵa óte qajet. Biz ómir súrip jatyrǵan órkenıetti qoǵam kún sanap damýda. Osy zaman aǵysynan qalys qalmaý úshin til bilgen durys. Sol til arqyly ózge eldermen baılanys jasap, sol jaqtan úırengen biliktiligińdi óz eliń úshin qoldanasyń. Bar álem damyp jatqan da sende birge damýyń kerek. Al men qazaq balalarynyń zamannyń damý kóshinen qalys qalǵanyn qalamaımyn.Men tańdaǵan mamandyqtyń mańyzdylyǵy osynda. Qaı kezde bolmasyn Ulaǵatty ustazdardyń qoǵamdaǵy orny erekshe. Qazirgi tańda vırtýaldy ustaz mamandyǵy paıda bolǵan. Bul mamandyq bolashaqtyń 10 mamandyǵy tiziminde bar. Zamanǵa qajetti, ózime unaıtyn bul mamandyqty tańdaǵanyma ókinbeımin dep oılaımyn. Óz qyzyǵýshylyqtarym men ıkemdiligimdi baǵamdaı otyryp osy mamandyqty tańdadym. Men tańdaǵan mamandyq meniń jarqyn bolashaǵym bolaryna sózsiz senimdimin.

Arýjan Qýanysh

---