InfoHub Logo

Men ózimdi ózim esh ýaqytta solshylmyn dep sanaǵan da emespin. Eshkimge solshylmyn dep aıtqan da emespin.

1923 jyly men Oraldyń gýbernıalyq sezin ótkizdim. Sol sıeze Qaratileýulynyń sen solshyldardy súıeısiń degen qulaq qaǵysyna «ondy da, soldy da súıemeıin» dep jaýap bergen edim.

Óıtkeni men ol sıeze Ismaǵambetuly, Ábdirahmanuly, Isauly, Janyshuly jáne Álenuly joldastardy súıedim. Munym solshyldyq bolsa, muny jasyrmaımyn. Ótken jyly Jýrapkov joldaspen sóıleskenimde: «Qazaqstanda solshyl joq, eshkim de komýnıs partıasynan sol kete almaıdy. Eger bireýler ózderin solshylmyn dep júrse, ondaılar adasyp aıtady ne aldap júr» degenmin. Men mundaı pikirimdi basqalarǵa aıtqan bolatynmyn, kázirde de sony aıtam.

Múmkin keıde túrli jaǵdaılarmen ózim de baıqamaı solshyldyq jolǵa túsip ketkenderim bar shyǵar. Kúndelik isten qol úzgendik, az da bolsa qalyń kóppen qatynas az bolǵandyq, basqarý qyzmettegi keıbir joldastarǵa narazylyq (máselen Isauly, Quramysuly joldastarǵa) keıde sol aıtylyp otyrǵan solshyldyqqa túsirýge sebep bolýy múmkin edi. Máselen, Isauly men Quramysuly taza partıa jolyndaǵy komýnıser dep bilsem de men olardy Smaǵul týraly basa qımyldamaıdy, bata almaıdy dep júrdim. Shynyna kelgende men ol kezdegi Qazaqstannyń ózgeshe jaǵdaılaryn eskermegen ekem.

Ótken qys ortasynan bastap úzil-kesil shyǵa bastadym. Meniń gazetterde jarıalanǵan «Kókshetaý», «Maı kúni» degen shyǵarmalarym dálel bolsa kerek.

Qandaı jik bolsa da bizde belgili joly joq. Tabansyz, zıandy nárse bolyp shyqty. Partıa jolynan qyńyrlanýdyń qandaıy bolsa da partıaǵa qarsy jol. Ótken kúndegi osy sekildilerime men túgelimen ózimdi kinálimin dep sanaımyn. Baǵzy ýaqyttarda men ýpadochnıchestvoǵa túsip ketip júrdim. Eń aýyr kúnám osy dep bilemin. Munyń bárin teristik dep kóppen birge tergeımin. Men osylarymnyń bári úlken qate, adasqandyq ekenine Qyzyl Sarmov pen Nıjegorod qalasyndaǵy jer maı aǵyzyp jatqan zaýyttardy aralaǵannan keıin ábden-aq kózim jetti. Eńbektiń qaharman erleri o jerde sosıalızmniń irgesin qalap jatqanyn kórdim.

Ýaq baıshyldyq derti keıde bizdiń janymyzǵa, tánimizge tikenshe jabysady. Eger biz adal nıetimizben qol ustasyp, partıa birliginiń aınalasynda úıirlesek, partıa ondaı dertterdi mezgilimen asqyndyrmaı ashyp, emin taýyp, asqan qazandy aman saqtaı alady.

Qatemiz boldy. Keleshekte de qatelesýimiz múmkin. Biraq jumysshy tabynyń partıasy, dúnıeniń uly ózgerisshili, esh nárseden qaımyqpaı eńbekshil adam ulyn tendikke bastaýshy, kommýnısshildik qoǵam qurýshy — komýnıser partıasy bizdiń qatarlarymyzdy túzete alady, túzetedi. Múmkin, meniń áli de ózim baıqaı almaǵan qatalarym bar shyǵar, ondaılarym bolsa partıa kómegimen joıamyn.

1929 jyl

---