InfoHub Logo

Ál-Farabı atyndaǵy Qazaq ulttyq ýnıversıteti (QazUÝ) - Qazaqstan Respýblıkasynyń jetekshi kópsalaly joǵary oqý oryndarynyń biri. Jalpy ýnıversıtet, dúnıejúzilik jetekshi ýnıversıtetter ishinde 150-shi orynǵa ıe. QazUÝ- memlekettik attestasıalaýdan birinshi bolyp ótken jáne barlyq mamandyqtar men deńgeıler boıynsha bilim berý qyzmetin júzege asyrý quqyǵyn rastaǵan Qazaqstan Respýblıkasy Joǵary bilim berý júıesiniń jetekshi mekemesi bolyp tabylady. Mamandardy daıarlaý 180-nen astam mamandyq boıynsha júrgiziledi. Búgingi tańda ál-Farabı atyndaǵy QazUÝ-bul bizge mamandyqtardyń keń tańdaýyn usynatyn tutas oqý-ǵylymı kesheni bolyp tabylady. Ýnıversıtette joǵary kásiptik bilim berýdiń kóp deńgeıli júıesi boıynsha 27 myńnan astam stýdentter men magıstranttar oqıdy. Búgingi kúnge Ál-Farabı atyndaǵy Qazaq Ulttyq Ýnıversıteti álemniń 300-den astam iri ýnıversıtetterimen tabysty yntymaqtasady, ýnıversıtetterdiń Halyqaralyq, Eýropalyq jáne Eýrazıalyq qaýymdastyqtarynyń, álemdik ýnıversıtetter Konsorsıýmynyń múshesi bolyp tabylady. Men mehanıka jáne matematıka fakúltetinde mehanıka jáne energetıka mamandyǵy boıynsha 1kýrs magıstranty bolǵandyqtan, meniń ýnıversıtet týraly oıym mehanıka mamandyǵynyń ınjenerlerin professıonaldyq daıarlaý turǵysynan bolady. Mehanıka-matematıka fakúltetinde qazirgi tańda óte qajetti jáne ózekti, adam ómirine kerek mamandyqtar men kóptegen praktıkalyq qural-jabdyqtar bar. Sondaı-aq, Qazaqstandaǵy, tipti sheteldik kompanıalar men ýnıversıtetterdegi kóptegen Ǵylymı Zertteý Instıtýtarymen úlken materıaldyq baza men yntymaqtastyqty atap ótken jón. Sonyń aıqyn kórinisi retinde, men oqyp jatqan mehanıka jáne energetıka mamandyǵy Fransıa jáne taǵy da basqa eldermen ǵylymı-ınnovasıalyq, tehnıkalyq jáne robototehnıkalyq turǵydan qarym-qatynasy jyldan jylǵa órkendeýde. QazUÝ ár jyl saıyn magıstranttarǵa óz bilimderin tereńdetý jolynda, Fransıaǵa(Lotarıngıa Ýnıversıteti) baryp bilim alýǵa zor múmkindik beredi. Ýnıversıtet bizge, eki dıplomdyq baǵdarlama aıasynda, bolashaqta ýnıversıtetti 2 eldiń dıplomymen bitirýge múmkindik beredi, sonymen qatar tájirıbeden Qazaqstanda jáne Fransıada da qalyp ótýge bolady.Fransıada oqý barysynda, siz tek qana bilim ǵana emes, sondaı-aq sheteldik tilderdi tereńirek meńgerip, praktıkalyq turǵydan jaqsy damyta alasyz. Qazirgi tańda, aǵylshyn jáne fransýz tilderi álemdik kóshbasshy tilder bolǵandyqtan, bul sizge bolashaqta óte qajetti tájirıbe bolady degen oıdamyn. Sonymen qatar, siz shet eldiń mádenıetimen, turmys-saltymen de tanysyp, ózińizdi jan-jaqty damytýǵa múmkindik ala alasyz. Ýnıversıtette bakalavrda oqyǵan kezimde de men óz mamandyǵym boıynsha kóptegen aqparat aldym. Ýnıversıtet qabyrǵasynda irgeli matematıka, mehanıka jáne sonymen qatar matematıkalyq jáne kompúterlik modeldeý kafedralarynda óte joǵary bilikti oqytýshylar quramy bar. Meniń QazUÝ-dy tańdaý sebebim, Qazaqstannyń joǵary bilim berý júıesin damytýdyń kóshbasshysy jáne ádistemelik ortalyǵy bolyp tabylatyn, óz qyzmetiniń barlyq baǵyttarynyń tıimdi korporatıvtik menejment júıesine ıe, eń ozyq ádister men tehnologıalardy sheber paıdalanatyn jáne ımporttaıtyn, irgeli joǵary bilimi bar álemdik deńgeıdegi básekege qabiletti mamandardy daıarlaıtyn, ǵylymı zertteýlerdi joǵary deńgeıde damytatyn álemdik deńgeıdegi zamanaýı joǵary oqý orny. Meniń oıymsha, Ál-Farabı atyndaǵy Qazaq Ulttyq Ýnıversıtetinde bilim ala otyryp, siz bolashaqta qazaq elin damytatyn jáne bizdiń memleketimizdi dúnıejúzilik jetekshi 50 ýnıversıtettiń quramyna engizetin naǵyz ǵalym bola alasyz.

Kalıeva Araılym

QazUÝ mehanıka jáne matematıka fakúltetiniń 1kýrs magıstranty

Fılologıa fakúltetiniń aǵa oqytýshysy Ýrazgalıeva S.A jetekshiligimen

---