InfoHub Logo

2022 jyly 3 qarasha kúni «Órleý» BAUO» AQ fılıaly Almaty oblysy boıynsha kásibı damý ınstıtýty uıymdastyrýymen  «Pedagogterdiń kásibı damýynyń jańa formaty» atty brıfıń-sessıa ótti.

Brıfıń maqsaty – «Órleýdiń» qol jetkizgen jetistikterimen, biliktilikti arttyrý salasynda engizilip jatqan jańa baǵdarlamalary jáne jobalarymen pedagogıkalyq qaýymdastyqty tanystyrý, pedagogtardyń kásibıligin jetildirýdiń jańa formaty jáne «Órleý» men Almaty Menejment Ýnıversıteti birlese daıyndaǵan «Jańa mektep: nátıjeli basqarý komandalary» kýrsy jaıly aqparat berý.

Shara barysynda «Órleý» BAUO» AQ fılıaly Almaty oblysy boıynsha kásibı damý ınstıtýty Jetisý oblysy boıynsha ókildiginiń bas ádiskeri A.E. Togasova oblys kóleminde atqarylyp jatqan jumystarǵa sholý jasady.

«Órleý» BAUO» AQ fılıaly Almaty oblysy boıynsha kásibı damý ınstıtýty m.a. H.T. Masımova aǵymdaǵy jyly biliktilikti arttyrý kýrstarynyń jańa sıkli bilim berý baǵdarlamalaryn jańartý arqyly bastalǵandyǵy jáne 122 baǵdarlama jańartylǵandyǵy jaıly toqtalyp ótti.

Sonymen qatar, Hýrshıdam Tashbolatqyzy «Almaty Menejment Ýnıversıteti» Bilim berýdi damytý ınstıtýtymen, sondaı-aq UNICEF bilim berý salasyndaǵy sarapshylar men tájirıbeli mamandarmen yntymaqtastyq arqyly jalpy bilim beretin mektepterdiń basshylary men orynbasarlary jáne kadr rezerviniń ókilderi úshin bilim berý menejmenti boıynsha 72 saǵattyq kýrs ázirlengendigin aıtyp, mektep basshylary óz komandalaryn tıimdi basqaryp, syrtqy steıkholderlermen tabysty ózara is-árekettesýge qabiletti bolýy úshin strategıalyq menejment pen kóshbasshylyqqa úıretetindigin alǵa tartty.

Brıfıń sońynda ustazdar ózderin tolǵandyryp júrgen suraqtaryna jaýap alyp, ınstıtýt basshysyna rızashylyqtaryn bildirdi.

Aıgúl Nuraqbaı

«Órleý» BAUO» AQ fılıaly Almaty oblysy boıynsha kásibı damý ınstıtýty, PR mamany

---