InfoHub Logo

Iý.Gagarın orta mektebinde A.Baıtursynovtyń 150 jyldyq mereı toıyn negizge ala otyryp, " Ultyna ǵumyryn arnaǵan uly tulǵa"taqyrybynda qazaq tili men ádebıeti aptalyǵy josparlanyp, túrli sharalar uıymdastyryldy. Sonymen qatar qorytyndy kesh "Úlkender joly- ulylyq, urpaǵy júrer uǵynyp" taqyrybyndaǵy ardager ustaz Mámbet Gúlnar Qalekes qyzymen kezdesýge ulasty

Aıaýly qara shańyraqta ótken jyly kezdesýde oqýshylar óleń oqyp, ustazǵa júrekjardy lebizderin jetkizip, kókeıde júrgen suraqtaryn qoıdy.

Gúlnár Qalekesqyzy zeınettik demalysqa shyqsa kitap oqýdan,izdenýden árqashan toqtamaıtynyn aıtyp ótti. Ardager ustaz týǵan ólke tarıhyn bilý árbir jas urpaqtyń qasıetti boryshy ekendigin zerdeleı otyryp, Zıneden aýylyndaǵy mádenıet úıiniń janynda shaǵyn murajaı ashý jumysyn uıymdastyrdy.

«Qazirgi ýaqytta aýyldaǵy Iý. Gagarın atyndaǵy orta mektebiniń tarıhyn zerttep, osy mektepte  buryn qyzmet etken qazir  baqılyq bolǵan ustazdardyń eńbekterin jınaqtap, murajaı ashý basty maqsatym deıdi»,-ustaz

Taǵylymdy keshtiń sońy oqýshylardyń ádebı-sazdy baǵdarlamasyna ulasyp, ustazǵa syılyqtaryn usyndy.

Gúlnár Qalekesqyzynyń ǵumyr jolyna qysqasha sholý

Gúlnár Qalekesqyzy- pedagogıkalyq salada shyǵarmashylyqpen eńbek etken izdenimpaz ustazdardyń biri. Ol - qoǵamnyń ıntellektýaldyq qýaty bilimdi de daryndy, shyǵarmashyl tulǵa tárbıeleýdi negizgi ustanymym dep sanaıtyn joǵary sanatty qazaq tili men ádebıeti pániniń muǵalimi boldy.

Sonymen birge belgili ǵalymdar D. B. Elkonın men V. V. Davydovtyń dıdaktıkalyq júıesi negizinde damyta oqytý modeli jáne Blýmnyń júıesi boıynsha maqsat qoıý tehnologıasyn negizge ala otyryp, til men ádebıetke beıim balany tanı bilý, tárbıeleý jáne damytý maqsatynda qabiletti balalarǵa arnalǵan baǵdarlama jasaqtap jumys júrgizdi.

Sonyń nátıjesinde oqýshylary oblystyq pándik olımpıada, OǴJ baıqaýy, «Alpamys batyr» jyr baıqaýy, Mahambet, Abaı, Maǵjan oqýlary jáne túrli jyr saıystarynyń birneshe dúrkin júldegeri atandy. Ustaz sońǵy jyldary oqýshylardyń respýblıkalyq jáne halyqaralyq ıntellektýaldyq saıystaryna jáne shyǵarmashylyq baıqaýlaryna qatysýyn da basty nazarda ustady. Dırektordyń oqý isi jónindegi orynbasary qyzmetin atqara júrip, oqýshylardy UBT-ge daıyndaýdyń ózindik úlgisin qalyptastyrdy.

Ózinen tálim alǵan shákirtteri oblysymyzdyń ár qıyrynda óz mamandyqtarynyń úzdikteri retinde tanylýda. Sonymen birge elimizdiń irgeli oqý oryndarynda tilshi-ádebıetshi, jýrnalıs mamandyqtary boıynsha bilim alýda.

Gúlnár Qalekesqyzy ustazdyq eńbek jolynda synyp jetekshilik qyzmetin de qosa atqardy. Synyp oqýshylaryn zertteýdiń arnaıy baǵdarlamasyn qurastyrdy. OǴQ-nyń, «Jas muǵalimder» mektebiniń jáne pán boıynsha ádistemelik birlestik pen kabınettiń jetekshisi boldy. Óz atynda «Ozat tájirıbe» mektebi quryldy. İs-tájirıbesi «Jas muǵalimderdiń tálimgeri», «Ónege-jetekshiden», «Kabınet-bilim uıasy» taqyryptarymen «Qazaqstan muǵalimi», «Qazaqstan mektebi» jáne «Qazaq tili men ádebıeti» basylymdarynda jarıalandy.

«Ádisker- muǵalim» ataǵyn jáne «QR Bilim berý isiniń úzdigi» belgisin ıelengen. Aýdannyń áleýmettik - ekonomıkalyq damýyna qosqan úlesi úshin eki márte «Jyl úzdigi» atanǵan. Atyraý oblysy muǵalimderi ensıklopedıasynyń 2-tomyna jáne Respýblıkalyq «Ǵylym» baspasynyń «Shákirt júregine jol tapqan ustaz» jınaǵyna esimi engizilgen. QR-sy Táýelsizdiginiń 25 jyldyǵy merekelik medalimen marapattalǵan.

Gúlnár Qalekesqyzy aldyna kelgen ár shákirtke jeke tulǵa retinde qaraıtyn, óz júrek jylýyn shákirtterine bere bilgen, ujymnyń jáne kópshiliktiń qurmetine bólengen, ǵıbratty isteri mol ustaz bola bildi.

Nurken Maǵrıdenuly

---