InfoHub Logo

Joǵarǵy oqý oryndary jaıynda sóz qozǵalsa, mektep bitirýshi túlek bolyp júrgen ýaqytym esime túsedi. UBT. Mamandyq tańdaý. Pán tańdaý. Tańdap turǵan mamandyǵyń unasa, onyń tańdaý pánderi nemese tańdaý pánderi unasa ol pánderdiń mamandyqtary kóńilden shyqpaı, qandaı tańdaý jasaryńdy bilmeı, aınalańnan qoldaý kútip, ishteı toryǵyp júretin ýaqyt. Biraq meniń tańdaýym naqty Astana qalasyndaǵy Evrazıa Ulttyq Ýnıversıteti bolatyn.

Nege ekenin bilmeımin elordamyzdyń tórinde ornalasqan ýnıversıtet degen aty meni baýrap alǵan bolar dep oılaımyn qazirgi ýaqytta. Sebebi men ózim Shymkent qalasynyń týmasy bolǵandyqtan, jazy ystyq, qysy óte jaıly mekende óskendikten sýyq aýa raıynan qashatynmyn. Aıtpaǵym Astana qalasynyń aýa raıy óte salqyn ekeni barshamyzǵa málim, men ol jaǵyn eskermegen ekenmin, sebebi meniń qalaýym jyly shýaqty aýa raıly meken bolatyn. Meniń tańdaý pánderim djt+ang boldy túlekterdiń tilimen aıtqanda. Ózim tańdaý pánderimdi de, onyń ishindegi mamandyqtardy da qatty unattym. Men mektep bitiretin jyly (2019) osy tańdaý pánderinde nebári 6 mamandyq qana boldy. Olar: halyqaralyq qatynastar; aýdarma isi; túrkologıa jáne shyǵystaný; eki shet tili; saıasattaný; mádenıettaný. Meniń tańdaýym, armanym halyqaralyq qatynastar mamandyǵyna grantqa túsý boldy. Test tapsyrdym, 116 bal jınadym. Endi oqýǵa dokýment tapsyratyn ýaqyt ta kelip jetti. Ákem ózi alyp júrdi, barynsha qoldaý bildirdi, mamandyq tańdaýǵa, ýnıversıtet tańdaýǵa barlyǵyna kómektesip óziniń aqyl-keńesterin aıtyp júrdi.

Mine, JOO tańdaıtyn ýaqyt ta keldi. Meniń tańdaýym QazUÝ jáne Shymkent qalasyndaǵy M. Áýezov atyndaǵy ýnıversıtet boldy. Árıne, mamandyq belgileıtin sátte eń birinshi ózimniń jan dúnıemniń qalaýy halyqaralyq qatynastar mamandyǵyn belgiledi dep oılamańyzdar. Sebebi meniń ol ýaqytta mamandyqqa baılanysty oılarym ózgergen bolatyn. Birinshi QazUÝ saıasattaný mamandyǵy, ekinshi eki shet tili mamandyǵy QazUÝ, úshinshi eki shet tili mamandyǵy M. Áýezov atyndaǵy tehnıkalyq ýnıversıtet, tórtinshi mádenıettaný mamandyǵy QazUÝ etip tańdadym. Barlyq tańdaýlarym ózime unady. Endigi tilegim osy mamandyqtardyń birine grant utyp alý boldy. Men mádenıettaný mamandyǵyna sońynan sanaǵanda ekinshi bolyp grantqa tústim. Qatty qýandym. Qýanyshtan kózimnen jas aqty. Ýnıversıtetke dokýment tapsyrýǵa kelgendegi sezimderim úshin taǵdyryma rızamyn. Meniń fakúltetim fılosofıa jáne saıasattaný fakúlteti. Sondaı keremet sezimderdi bastan ótkerdim, shúkir.

Dokýment tapsyrýdaǵy óz kafedramnyń muǵalimderi ózime qatty ystyq kórindi, olar da óte jyly qabyldady. Ýnıversıtetke kelgen alǵashqy sabaq kúnderi sondaı áserli boldy. Ózimizden joǵarǵy kýrs stýdentteri bizge arnaıy kezdesýler uıymdastyryp ózderiniń tájirıbelerimen bólisip, bizderge úlken qoldaý bildirdi. Sondaı keremet estelikter oıda qaldy. Kafedramyzdyń muǵalimderi de keremet ustazdar. Qazir men 4-kýrs stýdentimin. Ýnıversıtetimizde bakalavrdy bitiretin shaǵym. Osy ýaqyt aralyǵynda mende esh ókinish bolmapty, JOO úshin, mamandyǵym, oqıtyn fakúltetimniń qurylysy bolsyn, eshqandaı ókinishim bolmapty, sol úshin Allaǵa sansyz shúkirlik etemin, jáne raqmetimdi aıtamyn. Mektep bitirýshi túlekterge ózimniń mamandyǵyma, dál men oqyp jatqan ýnıversıtet QazUÝ-ǵa, dál men oqyp jatqan kafedraǵa oqýǵa túsýge keńes berer edim. QazUÝ – elimizdegi jetekshi ulttyq ýnıversıtetteriniń biri.  QazUÝ tek QR men TMD joǵary oqý oryndary arasynda ǵana emes, halyqaralyq reıtıńterde de jetekshi orynǵa ıe. Mysaly, belgili QS World University Rankings  halyqaralyq uıymynyń reıtıńi boıynsha QazUÝ álemniń eń tehnologıalyq damyǵan 500 ýnıversıtetiniń qataryna kirip, reıtıńte 165-shi orynǵa ıe boldy.

QazUÝ -  TMD-ǵa qatysýshy elderdiń ǵana emes, sonymen qatar Shyǵys jáne Ortalyq Eýropanyń jalǵyz ókili bolyp tabylatynyn, sondaı-aq Sıngapýrmen jáne Japonıamen qatar búkil Azıa kontınentin usynatynyn atap ótken jón.  Sondaıaq,  QazUÝ  memlekettik bilim berý tapsyrysynyń oqýǵa arnalǵan granttar sany boıynsha kóshbasshy ekenin atap ótken jón. Ýnıversıtette memlekettik bilim berý granttaryna qosymsha jyl saıyn rektordyń granttary beriledi. QazUÝ-da aqyly oqýǵa jeńildikter men jeńildikterdiń ıkemdi júıesi bar.

Eger ýnıversıtet túlekteriniń tizimin qaraıtyn bolsaq, onda kóptegen joǵary laýazymdy tulǵalardy, qazaqstandyq qoǵamnyń elıtasyn tabamyz. Bul-mınıstrler, depýtattar, túrli deńgeıdegi ákimder, Qazaqstannyń kóptegen ýnıversıtetteriniń rektorlary, elimizdegi jáne sheteldegi iri ónerkásiptik kásiporyndar men bankterdiń basshylary.

QazUÝ-da sapaly bilim alýǵa jáne óz isiniń mamany bolýǵa biregeı múmkindik berilgen.

Sondyqtan men “Meniń ýnıversıtetim – meniń maqtanyshym” dep senimdi túrde aıta alamyn!

Ál-Farabı atyndaǵy Qazaq ulttyq ýnıversıteti
Fılosofıa jáne saıasattaný fakúlteti
"Mádenıettaný" mamandyǵy
4-kýrs stýdenti Nursara Baqytbekqyzy
Ǵylymı jetekshi Samal Mýhametalıqyzy                                                              

---