InfoHub Logo

Kól beti aınadaı jaltyraıdy. Shyǵystan baıaý samal esedi. Qalyń quraq sybdyr qaǵady. Murat myltyǵyn qysa ustap, qamys arasyna tyǵyla túsedi.

Ol ornynan turyp, mańaıdy sholyp ótti. Eshteńe kórinbegen soń, tizeden sý keship, alańqaıǵa shyqty. Ońdy-solyna kóz tastap, qulaq túredi. Oıy qamys arasyndaǵy jalǵyz aıaq jolǵa túsip arǵy betke ótpek. Solaq-aq eken, qańqyldaǵan qazdyń daýsy estildi. Eki qaz uzańqyrap baryp kól ortasyna qalyqtaı qondy.

Murattyń kútkeni osy edi. Myltyqtyń, shúrippesin basyp qaldy. Meńireý tynyshtyqta myltyq daýsy gúrs etti. Qazdyń biri qańqyldap usha jóneldi de, ekinshisi kóterile berip sýǵa qulady.

Máz bolǵan ol kıimin de sheshpesten belýardan sý keship, jaraly qazdy jıekke alyp shykty. Qansha bulqynyp, sabalasa da jibergen joq. Qýanyshy qoınyna sımaı, úıge kelip, esik aldynda otyrǵan ákesiniń aldyna oljasyn tastaı saldy. Onyń maqtanyp turǵany bep-belgili edi.

Sóıtkenshe qazdyń aıaǵyndaǵy qyzyl shúberekten jasalǵan belgini kózi shalyp qalǵan ájesi:

— Murat, qaraǵym-aý, mynaý úı qazy ǵoı, belgisin kórmeısiń be, - dedi renjip.

Murattyń júregi sý ete tústi. «Masqara úı qazyn atyp alypty». Ne aıtyp turǵanyn ózi de túsinbeı: «Múmkin emes, múmkin emes», — deı berdi kúbirlep.

---