InfoHub Logo

Bizdiń úıdiń janynda úlken jazyq bar bolatyn. Sol alańqaıda aýyl balalary fýtbol oınaıtyn. Qazir de bir top bala jınalǵan. Uzaq qarap turdym da, qastaryna jaqyndadym. Qaısy biri keshe fýtboldan qalaı jeńilip qalǵandaryn aıtady. Samat eki dop ótkizip aldy emes pe? Tárizi, jeńilis Samatqa baılanysty, olardyń oıynsha. Al, Erkin bolsa kapıtanmyn dep dopty jeke oınaıdy. «Qaqpaǵa ózim soqsam» deıdi, onyń oıy. Álgi jınalǵan top qyzylkeńirdek bolyp jatyr.

— Kelesi kezdesýde olardy qalaı oısyrata jeńedi ekenbiz. Shynynda solaı ǵoı, olardy taǵy bir kezdesýge shaqyramyz ba, aǵa? — dedi Samat ózin kináli sezinip.

«Aǵa!» dep sóılegendigine qatty qysylyp kettim. Olardyń «shaqyramyz» dep turǵany úshinshi synyp oqýshylary.

 — Qaıtesińder daýlasyp, keshegi oıynda bizdiń komandada qatelikter bolǵan shyǵar. Sol kemshilikterdiń ornyn toltyryp, birimizdi-birimiz túsine bilýimiz kerek, — dedim úlkendigimdi baıqatyp.

— Kanıkýldyń bir aptasy bosqa ótipti. Bitirgen isimiz de shamaly. Keshke deıin dop qýalap júrgenimiz, mynaý. Onyń ózinde qıratyp jatqanymyzdy biletin shyǵarsyńdar, — dedim baısaldy únmen.

— Al sonda basqa ne istemekpiz, — dedi Samat. Munyń sózine Marat pen Jeksenbek qosylyp ketti.

— Endeshe búgingi kúnen bastap ár kúndi tıimdi paıdalanýǵa kirisemiz. Dop oınaýǵa da ýaqyt tabylady...

— Al bárińdiki de durys. Degenmen jumystyń jeńili joq. Myna jumys qıyn eken, endi biri ońaı dep suryptap bóletini joq. İstegen soń bári jumys. «Tamshydan tama-tama kól» degen eken ertede basy dáý bireý, — dep edim, barlyǵy da kúlip jiberdi. Dáý bas kim eken dep suraqty jaýdyrtty shetinen. «Basy dáý degenim aqyldy adamdar ǵoı», deı saldym.

— Shynynda da kettik, kirpish quıamyz...

— Tez arada qudyq qazyp tastaıyq...

— Áne, ózderiń kórmeseńder kórińder. Baqshada bir top eshkiler júr.

Marat, Samat jáne Jeksenbekter taǵy da kerisip qaldy. Biriniń sózin biri jaqtyratyn túri bilinbeıdi.

— Árqaısyń ózińe-óziń kómektesińder, — dedim renjip. Olar kerildesip turǵanda, kúnniń keshkirip qalǵanyn bilmeı qalǵan edi. Kún bulardy mazaqtaǵandaı sońǵy ret kórinip, uıasyna enip ketti.

Shaqyrǵan daýys estildi. Úsheýi de tómengi synypta oqıdy. Aıtqan sózderine ishteı rıza boldym. Qarap turyp kishkentaı júrekten eńbekke degen ekpin bar ekenin sezesiń. «Sender áli jassyńdar, dostar» deımin. Kishkentaı búldirshinder qol ustasyp ketip barady. 

---