InfoHub Logo

Qarapaıym jemisterge shokolad pen kilegeı qosyp dámdi tańǵy as, dıetalyq jeńil tamaq nemese hosh ıisti desertti ońaı daıyndaýǵa bolady.

1. Qarajıdek pen apelsın shyrynynan jasalǵan jemisti salat

Quramy:
•    1 staqan qulpynaı;
•    1 staqan shıe;
•    ½ staqan qarajıdek;
•    ½ bólik qyzyl alma;
•    ½ bólik shabdaly;
•    1 kıvı;
•    2 as qasyq lımon shyryny;
•    1 staqan apelsın shyryny.

Daıyndaý ádisi:

Shıeni ekige bólip, súıegin tazalańyz. Jemisterdi ortasha etip týrap alyńyz. Ydysqa lımon shyrynyn quıyp, jemis jıdekterdi qosyp, aralastyryńyz. Apelsın shyrynyn qosyp, hosh ıisin sińdirý úshin, qoıyp qoıyńyz da, odan keıin shyrynyn tógip tastańyz. Salatty salqyndatylǵan nemese jyly kúıinde de usynýǵa bolady.

2. Shokolad pen kópirshitilgen kilegeı qosylǵan jemis salaty

Quramy:
•    2 banan;
•    2 dana alma;
•    1 kıvı;
•    1 staqan búldirgen;
•    1 apelsın;
•    100 g shokolad;
•    dámine qaraı kópirshitilgen kilegeı.

Daıyndaý ádisi:
Banan, alma, kıvı jáne apelsındi bólshektep týrap alyńyz da, aralastyryp, oǵan bir staqan búldirgendi qosyńyz. Shokolad jumsarýy úshin biraz ýaqyt bólme temperatýrasynda ustańyz. Odan keıin ony tórtburyshtap týrap, jemisterge qosyńyz. Salattyń ústine kilegeıdi qosyp, betine shokoladty úkkishten ótkizip, sebińiz.

3. Tropıkalyq jemisterden jasalǵan salat

Quramy:
•    1 ananas;
•    2 mango;
•    2 banan;
•    ½ staqan anar dánderi;
•    2 as qasyq kokostyń tátti jańqasy.

Daıyndaý tásili:
Ananas, mango, banandy týrap, olardy anardyń dánimen aralastyryńyz. Salatty birneshe saǵatqa tońazytqyshqa salyp qoıyńyz nemese túngi ýaqytqa qaldyrsańyz da bolady. Dastarhanǵa qoıarda betine kokos jańqasyn sebińiz.

4. Pechene men ıogýrt qosylǵan jemis salaty

Quramy:
•    1 tilim qarbyz;
•    1 alma;
•    1 kıvı;
•    2 tilim konservilengen ananas;
•    15–20 júzim;
•    ½ staqan grek jańǵaǵy;
•    200 g jumsaq pechene;
•    3 as qasyq qospasyz ıogýrta;
•    dámine qaraı untaqtalǵan darshyn.

Daıyndaý ádisi:
Qarbyz, alma, kıvı jáne konservilengen anas tilimderin aralastyryńyz. Júzimdi ekige bólip, súıeginen tazartyp, jemisterge qosyńyz. Jumsaq pecheneni usaq bólikterge syndyryp, jańǵaq qosyńyz. Pechene men jańǵaqty jemisterge qosyp, ony ıogýrtpen aralastyryp, dámine qaraı darshyn sebińiz.

5. Avokadodan jasalǵan jemis salaty

Quramy:
•    3 ortasha kólemdi avokado;
•    2 as qasyq lımon shyryny;
•    ½ staqan qospasyz ıogýrt;
•    2 as qasyq bal;
•    1 sháı qasyq lımon qabyǵynyń úgitindisi;
•    1 alma;
•    1 banan;
•    1 staqan súıeginen tazartylǵan júzim;
•    300 g konservilengen mandarın.
 

Daıyndaý ádisi:
Pisken avokado jemisini súıeginen tazartyp, ony tórtburyshtap týrańyz. Oǵan lımon shyrynyn qosyp, 5 mınýtqa qoıyńyz da, shyrynyn tógip tastańyz.

Birneshe as qasyq ıogýrtty balmen jáne lımon qabyǵynyń úgitindisimen birge aralastyryp, dámdeýishin daıyndap alyńyz.

Avokadoǵa banan, alma, júzim jáne konservilengen mandarındi qosyp, aralastyryńyz da, dámdeýishin qosyńyz.

---