InfoHub Logo

Qazaq eliniń qamyn oılap, halqyna úndeý tastaıtyn batyl Alash zıalylarynyń biri - Mirjaqyp Dýlatov. Qaıratker ózgeristi tek jańa tolqyn alyp keletinin bilgen.  Sol sebepti, 1907 jyly Peterbýrgte shyqqan "Serke" gazetinde "Jastarǵa" degen óleńin jarıalaıdy. Mirjaqyp:

"Naızamenen túrtse de,

Jatyrmyn, qazaq, oıanbaı." - dep otarshyldyq ezginiń sıpatyn naızaǵa teńeıdi.

"Munsha qalyń uıqyny

Berdiń bizge, oı, Alla-aı!

Bar ma eken bizdeı ǵafyl jurt,

Atyrafqa kóz salsaq.

Kózi iskenshe uıqyǵa

Kele jatqan toıa almaı?"-dep halqynyń tózimdiligine qaıran bolsa da,  bul únsizdikke nalyǵanyn aıtady.

"Etemin úmit jastardan,

Jańa gúl shashqan baqshadaı," degen joldar Mirjaqyp jastarǵa úmit artyp, úlken ózgerister kútetinin ańǵartqandaı.

Al: "Muradyn ońaı kim tabar,

Jar salyp jurtqa qaqsamaı?"- dep problemany ortaǵa shyǵarý, aıtý kerek degendi aıtqysy kelgen. Árıne,  ashshy shyndyqtyń joly da taıǵaq. Biraq , Mirjaqyp jas tolqynnyń janyp turǵan jalyny men shıraqtyǵyn anyq kórgen.

Bul býynnyń kúshi jańashyldyqqa bastar dep:

"Halyqqa, jastar, basshy bol!

Qarańǵyda jetektep." degen.

"Tereń sýdan óter me,

Myń qoıdy serke bastamaı?"-  dep qazaq jastarynyn  bir otar qoıdy bastaǵan serkedeı , alǵa tartar kóshbasshy bolýǵa úndegen.

Alash uly Mirjaqyp Dýlatovtyń batyldyǵy, kóregendigi men parasaty bul úndeýden kórinip turǵany anyq  der edim.

Kalımýratova Aıana Asylhanqyzy Ál-Farabı atyndaǵy Qazaq Ulttyq ýnıversıteti, jýrnalısıka fakúlteti

---