InfoHub Logo

HHİ ǵasyr - áleýmettik jelilerdiń damýy qarqyn alǵan kezeń.  Áleýmettik jeli qazirgi tańda kóptegen álem elderin qamtyp otyr, tıisinshe qoǵamǵa da óz áserlerin berip jatqany belgili.

«Aıshylyq alys jerlerden,
Kózińdi ashyp - jumǵansha,
Jyldam habar alǵyzdy...», dep Ybyraı atamyz óz óleńderine qosqandaı, búginde áleýmettik jeli bizge jyldam habar alýǵa kómegin berip jatyr. Iaǵnı, buryndary hat joldap, onyń jaýabyn alý úshin aptalap-aılap kútken edi. Al qazir áleýmettik jeli arqyly kózdi ashyp- jumǵansha saýalymyzdy joldap, jaýap alyp otyrmyz. Mıllıondaǵan adam kúndelikti áleýmettik jelilerdi qoldanýda: bireý aqparat izdeý úshin qoldansa, endi biri ýaqyt ótkizý úshin, adamdarmen tildesý úshin paıdalanýda. Árıne, áleýmettik jeliler bárine birdeı áser bermeıdi. Bastysy adam ony óz keregine, durys jolda paıdalanýy qajet.

Áleýmettik jeliniń zıandy tustaryna toqtalyp ótsek, qazirgi zaman jastary úshin áleýmettik jeli jol siltegish qural dep sanalady. Onda berilip jatqan aqparattyń bárin saralaý ońaıǵa soqpaıdy. Osy áleýmettik jeli áserinen tıym salynǵan oıyndarǵa, saıttarǵa kirip óz ómirlerine ózderi balta shaýyp jatqan jastarymyz qanshama. Meniń oıymsha, áleýmettik jelilerdi shekten tys paıdalaný adamdy táýeldi etedi. Vırtýaldy álem mı qyzmetterin tejep, psıhologıalyq turǵyda damýyna keri áserin beredi. Osy áserlerdiń sebebinen qoǵam dertke ushyrap, teris ózgerister alyp kelýi ábden múmkin.

Áleýmettik jeliler bizdiń altynnan da qymbat ólsheýli ǵana ýaqytymyzdy urlaýda. Paıdasy joq beınerolıkterdi kórip, adamdardan jaýap kútip saǵattarymyz baıqamaı ótýde. Ókinishtisi qoǵam bul tustaryna nazar aýdarmaýǵa tyrysady, baıqasa da beıǵam qaraýda. Áleýmettik jeli qoldanysy artyp, júzbe-júz sóılesý kemýde dep oılaımyn. Jastardyń qoǵamnan alshaqtanyp, ortasymen, jaqyndarymen baılanysy azaıýda. Ýaqytty tekke ótkizip, túrli skolıoz, nerv júıesi, kóz aýrýlaryna shaldyǵýda.

Áleýmettik jelilerdiń tek zıanyn ǵana emes, paıdasyn da aıtar bolsaq, ǵalamtor aqparat alýmen shektelmeıdi, sonymen qatar, odan paıda tabýǵa da bolady. Qazirgi zaman talabyna saı, qoǵam úıde otyryp-aq damý úderisinde. Túrli áleýmettik jelilerge jarnama ornalastyrý arqyly tabys taýyp otyrǵandar jeterlik.

Qorytyndylaı kele, áleýmettik jeli qoǵamda oń jáne teris tustaryn da berip jatqanyn baıqaı aldyq. Jelide bosqa ýaqyt ótkizip, densaýlyǵymyzǵa zaqym keltirgenshe tek ózimizge kerekti dúnıeni ǵana paıdalanaıyq!

---