InfoHub Logo

Táýelsizdiktiń shırek ǵasyry respýblıka kóleminde atalyp ótilip jatyr. Jer-jerde bolyp jatqan is-sharalar óte kóp. Osyndaı is-sharalar Amankeldi aýdanyna qarasty Amantoǵaı aýylynda da óz jalǵasyn tapty.

«25 juldyzdy kún» dep atalatyn baǵdarlama boıynsha barlyq mektep ujymy shyǵarmashylyq jumystar júrgizýde. Bul baǵdarlamanyń negizgi maqsaty eldiń tarıhyn, mádenıetin nasıhattap, oqýshylardyń Otanǵa degen súıispenshilik sezimderin arttyrý bolyp otyr. Sonymen qatar taǵy bir maqsat táýelsizdik jolyndaǵy kúreskerlerdiń erligin dáripteý, olardyń boıyndaǵy asyl qasıetterdi urpaq boıyna sińirý. Atalmysh is-sharaǵa ustazdar men oqýshylar, sonymen qatar kishkentaı búldirshinder de belsene atsalysty. 25 kúnniń ár kúninde ózekti degen taqyryptar qozǵalyp, oqýshylar men ustazdarǵa tanystyrylyp otyrdy. Qazaqstan Respýblıkasynyń 1991 jyldan bastap búgingi kúnge deıin atqarylǵan isteri men ataýly oqıǵalary osy baǵdarlamanyń ár shyǵarylymynda jan-jaqty baıandaldy. Sonymen qatar elbasynyń atqarǵan eren eńbekteri de nazardan tys qalǵan joq.

Aýyldyq mádenıet úıi ár balanyń boıynan tabylatyn daryndy shyńdaý maqsatynda kórkemsýret baıqaýyn uıymdastyrdy. Sonymen qatar aqyndar men kórkemsóz oqý sheberleri de óz ónerlerin ortaǵa saldy. Aýyl qarttary da egemendigimizdiń shırek ǵasyryna arnalǵan konserttik baǵdarlamasyn halyq nazaryna usyndy. 

Aýyldyń aq halatty abzal jandarynan qurylǵan ujym da merekege oraı aýyldyq aýrýhanada «ashyq esik» kúnderin uıymdastyrdy. Osy sharalardyń barlyǵyn da Amantoǵaı aýyly Táýelsizdiktiń 25 jyldyǵyna arnaıdy. Egemendigimiz baıandy bolǵaı! Táýelsizdigimizdiń shırek ǵasyry qutty bolsyn!

Murat Narjan Dáýletuly
Qostanaı oblysy, Amankeldi aýdany
Amantoǵaı jalpy bilim beretin orta mektebi 11-synyp oqýshysy

---