InfoHub Logo

Tereńde jatqan tól tarıhymyzdy qansha aqtaryp jatsaq ta, teńiz túbinde tapjylmaı jatqan baǵaly tastaı, tamyry keńge jaıylyp, tanys bolmaǵan dúnıege taǵy kezigemiz. Tarıh qoınaýy qupıaly syr men jumbaqqa toly bolsa kerek-ti.

Tarıhyn bilmegen, dáriptemegen ulttyń bolashaǵy bulyńǵyr bolary sózsiz. Táýelsizdiktiń tańy atqaly týǵan tarıhymyzdy tereńdep zerttep, rýhanı jańǵyrý dáýirinde asyl muramyzǵa laıyqty baǵa berip te júrmiz. Tarıh betterinde aýmaly-tókpeli zamanda ulttyq rýhyn joǵaltpaı, azattyq pen teńdikti tý etken talaı tarlandarymyzben qatar, halyqtyń tutastyǵy men eldiń egemendigin qorǵaǵan ulttyq basylymdardyń shoqtyǵy qashan da bıik turady.

Birlikti tý etken qaıratkerdiń eli úshin etken eren eńbeginiń biri-«Birlik týy» gazetin shyǵarýy bolatyn. Bul Alashshyl ıdeologıany jaqtaǵan, keńes otarshyldaryna qarsy baǵyttalǵan, táýelsizdik pen tutastyqtyń negizin salǵan, halyqtyń jetilý, oıaný jolynda qyzmet etken, sol zamandaǵy ulttyń ajyramas bóligine aınalǵan sapaly basylym boldy.  Alǵashqy sanyna M.Shoqaı jetekshilik jasaǵan bolatyn. Basylym ádebı-mádenı, qundy tarıhı derekterimen erekshelengen.  Alaıda, merzimdi basylym Keńes úkimetiniń áserinen jabylyp qalǵan.

Azattyq úshin bas tikken uly qaıratker Mustafa Shoqaıdyń ómir joly munymen aıaqtalyp qalmaıdy. Onyń túrki jurtyn biriktirip, Túrkistan avtonomıasyn qurý jolyndaǵy eńbegi men maqsat – múddesi keshegi otarshyl saıasattyń tusynda jaýlyq áreket dep tanyldy. «Úlken Túrkistannyń kúıreýin» shyǵaryp, ultshyl arysymyzdy ultyna qas dep te shyǵardy.Tuǵyrly táýelsizdiktiń tańynda Mustafa Shoqaıdyń eńbegi qaıta baǵalanyp, túrki bolyp tóbemizge kóterýge jettik. Ulttyq baspasóz tarıhymyzdy ulttyq múdde turǵysynan qarap, tól tarıhymyzdy tolyqtyryp, tyń derektermen tanysa tústik. Bir dáýirdiń kósemine aınalǵan Mustafa Shoqaıdyń esimi qazaq tarıhynyń betterinde kógindegi juldyzyndaı jarqyraı bermek.

Ál-Farabı atyndaǵy Qazaq Ulttyq Ýnıversıteti Jýanqan Aıtolqyn 

---