InfoHub Logo

Ombynyń ortalyq-feldsherlik shkolynda Aqmola oblysynyń qazaqtaryna arnap patshalyqtan ashylǵan 8 stıpendıa, Semeı oblysynyń qazaqtaryna 8 stıpendıa bar. (Barlyǵy 16 stıpendıa Aqmola men Semeı oblysynyń qazaqtaryna). Bul stıpendıadan burynǵy, aldyńǵy hám byltyrǵy jyldardan úsh-aq qazaq balasy oqyp júr. Qazaqtyń balalary az kelip, joǵarǵy aıtqan qazaqtyń 16 stıpendıanyń úsheýine-aq qazaq balasy túsip, ózgesi bos turǵan soń Semeı hám Aqmola gýbernatorlary qazaq stıpendıasyna orys balalaryn alyp qoıypty. Bıyl qazaqtan úsh-tórt bala kelip, ekzamen ustap edi, olarǵa burynǵy orys balalaryna arnaǵan .... stıpendıaǵa almady. Sorly qazaq balalary súmireıip elderine qaıtyp ketti. Bireýi óz qarajatymen oqyp qaldy. Kelesi jyly Aqmola qazaǵyna ma, Semeıge me, stıpendıa bosaıdy bitiretin orys balalarynan. Taǵy da qazaq balalary qur qalmaı umtylýy kerek. Qazaq balalarynyń jasyn kóp bilińkiremeıdi. Ekzamen tamyzda bolady. Bul shkoladan qazaqtan bıyl semeılik Kákishev degen jigit bitirip shyǵady.

«Aıqap» №21.1923 jyl

---