InfoHub Logo

Ómir – adamǵa bir - aq ret beriletin baǵa jetpes qymbat syı. Osyndaı syıdy bizge syılaǵan kim? Árıne, saǵan osyndaı baǵa jetpes syı syılaǵan eń qymbat adamdaryń - ata – anań. Eger saǵan anań osyndaı baǵa jetpes syı syılasa, sen soǵan laıyqty ómir súrýge tıissiń. Adamdar, negizinen, bul ómirge qonaq. Sony túsinip, sezine bilgen adam ómirdiń shyn rahatyn sezinedi. Ómirdegi túrli oqıǵalarda saǵan súıeý bolatyn, súringende demeıtin dosyń bolǵany durys. Jaqsy dosy bar adam túzý joldan taımaıdy. Ómir - ózen aǵyp jatyr, tynbaıdy, Ómir bolmas qasiretsiz, muń qaıǵy,- dep qazaq halqy ómirdi aǵyp jatqan ózenge teńeıdi. Óıtkeni ómir ózen tárizdi toqtaýsyz, eshkimge bildirmeı ótip jatady. Sol ózen aǵynynda keıbir jan óz arnasyn taýyp jatsa, endi keıbireýleri bastaryn tasqa da, jarǵa da uryp, óz jolyn taba almaı jatady. Sońǵysy, árıne, ókinishti - aq. Ómir degen meniń túsinigim boıynsha allanyń bizge bergen synaǵy. Qandaı jaǵdaı bolmasyn aqyl - oıymyzben, sabyrlylyǵymyzben jeńe bilýimiz kerek. Qoǵamda bolyp jatqan jaman ádetterge kináli - ózimiz. Osyndaı jat, jaman ádetterden boıymyzdy aýlaq ustap, tózimdilik, tabandylyq tanytyp, adamgershilik qasıetterdi joǵary ustaı bilýimiz kerek. Bolashaǵymyz nurly, elimizdiń erteńi nurly bolsyn desek, el bolyp, halyq bolyp bolashaǵymyzdy, ultymyzdy, tegimizdi joǵaltyp almaý úshin nashaqorlyq, spırttik ishimdik, temekiden boıymyzdy aýlaq ustap, qoǵamymyzdyń bul túnekten arylýynyń jolyn izdep, salaýatty ómir saltyn ustanaıyq, dostarym! Deni saý, jan - jaqty damyǵan, jany sulý adam ǵana mándi de salaýatty ǵumyr keshedi.

---