InfoHub Logo

Mańǵystaý oblysy Aqtaý qalasy
«№10 jalpy orta mektebi» KMM
Qazaq tili men ádebıeti páni muǵalimi (Birinshi sanat)
Týraeva Dına Abdrashovna

Trenıń taqyryby: Oqytý men tárbıeleýdiń jańa tehnologıalary.

Maqsaty:

Bilimdilik: Muǵalimderdiń jańa tehnologıa týraly oıyn jáne oqytý men tárbıeleýdiń jańa jetildirilgen ádis-tásilderin qanshalyqty qoldanylatynyn baıqaý, taqyryp aıasynda óz pikirlerin ortaǵa salýǵa shaqyrý.

Damytýshylyq: Qazirgi qoǵamdaǵy bilim berý júıesindegi jańa pedagogıkalyq tehnologıalardyń tıimdiligi týraly pikir alysý.

Tárbıelik: Toppen jumys jasaı otyryp, biraýyzdyqqa, yntymaqtastyqqa, tájirıbe almasýǵa shaqyrý.

Kórnekilikter: Uly adamdardyń qanatty sózderi jáne analız jasaý báıteregi.

Ótý barysy:

İ. Uıymdastyrý bólimi.

İİ. Tanysý

Ustaz – ol óz kásibin, óz pánin, baryq shákirttiń, mektebin súıetin adam. Qazirgi tańda ustazdyń jetistigi shákirttiń bilimimen kórinedi. Olaı bolatyn bolsa, búgingi tanysýymyzdy shákirtterimizben baılanystyraıyq.

İ. Psıhologıalyq jattyǵý:

Barlyq muǵalimderge  bir – birden qaǵaz sýlyq taratylyp beriledi. Olar qoldaryndaǵy sýlyqtaryn ortasynan bir búktep, oń jaq buryshyn qyrqyp alyp tastaıdy. Taǵy da búktep sol jaq buryshyn qyrqyp alyp tastaıdy. Osy proses sýlyq búktelip, qyrqylmaıtyndaı dárejege jetkenge deıin qaıtalanady. Sońynda sýlyq tolyq ashylady. Jattyǵýǵa qatysqan muǵalimderdiń sýlyqtary ár túrli bolyp shyǵady.

Jattyǵýdy qorytyndylaý:

Qazaqta maqal bar «Bes saýsaq birdeı emes» degen. Osy jattyǵýǵa qatysqan baryq muǵalimderge birdeı túsindirildi, biraq ár muǵalim ár túrli qabyldady. Al eger biz birigip, top bolyp, aqyldasyp birge istesek, onda nátıjesi birdeı bolǵan bolar edi. Sondyqtan endigi tapsyrmalardy toptasyp sheshýge shaqyramyn.

I bólim: «Jumyla kótergen júk jeńil»

1-top suraǵy: «Jańa adam» nemese «jańa tulǵa» degendi qalaı túsinesiz?

2-top suraǵy: «Jańashyl ustaz» qandaı bolý kerek?

Qorytyndylaý:

Qazirgi tańda bilim berý júıesi qoǵamnyń áleýmettik-ekonomıkalyq damyýynda jetekshi rol atqarady. Al bolashaqtyń básekesine qabiletti XXI ǵasyr shákirtin – jańa tulǵany, bilikti, namysty, rýhty, alǵyr, jan-jaqty jetilgen, ıntelektýaldy jáne erýdısıaly adamdardy shyǵarý – jańa formasıa muǵaliminiń qolynan keledi. Jańashyl muǵalim – refleksıaǵa qabiletti, ózin - ózi ilgeri umtyldyratyn ádisnamalyq, zertteýshilik, kommýnıkatıvtik, aqparatty, rýhanı – adamgershilikti, azamattyq jaýapty, belsendi, saýatty, shyǵarmashyl tulǵa.

II bólim: «Sabaq berý úırenshikti nárse emes, ol únemi jańadan jańany tabatyn óner». J. Aımaýytov.

1 – top suraǵy: «Jańashyl adamdy tek jańashyl ustaz tárbıeleıdi» degendi qalaı túsinesiz?

2 – top suraǵy: Oqytý men tárbıeleýge jańa tehnologıalar, jańa ádistemeler qajet dep oılaısyz ba?

Qorytyndylaý:

Qoǵam bir orynda turmaıdy. Qoǵamǵa jańa adam kerek. Ony oqytý men tárbıeleý úshin jańashyl ustazdardyń eńbekteri arqyly iske asatyn jańa zaman talabyna saı ınovasıalyq tehnologıalar, jańa ádistemeler qajet.

Elbasymyz óziniń Joldaýynda «Bolashaqta órkenıetti elderdiń qataryna ený úshin zaman talabyna saı bilim qajet. Qazaqstandy damyǵan 50 eldiń qataryna jetkizetin, terezesin teń etetin – bilim» degen eken. Bul isti atqarý - óz kásibin jaqsy meńgergen izdenpaz, ózin - ózi jetildirýge umtylǵan rýhanı damyǵan, jańashyl ustazdyń qolynan keledi dep oılaımyn.

III bólim: «Sáýleli oıdyń shýaǵy» Sergitý sáti:

Ortaq tapsyrma: Bilim – ǵylymǵa baılanysty bir shýmaq óleń shyǵarý.

IV bólim: «Bolashaqtyń basshysyn da, danasyn da, ǵalymyn da, eńbekqor eńbekshisin de, kenshisin de  ustaz ósiredi». B.Momyshuly.

Ortaq tapsyrma: Siz óz shákirtińizdiń bolashaǵyn qalaı sýrettegen bolar edińiz? Berilgen sýretterdi paıdalana otyryp, óz shákirtteriniń bolashaǵyn boljaý jáne óz isiniń nátıjesin kórý, seziný.

Qorytyndy:

B.Momyshuly aıtqandaı, «Bolashaqtyń basshysyn da, danasyn da, ǵalymyn da, eńbekqor eńbekshisin de, kenshisin de ósiretin ustaz».  Sondyqtan bárimizdiń oılaǵan  maqsatymyz, atqarar isimiz bireý, ol – básekege qabiletti, jan-jaqty damyǵan tulǵa tárbıeleý. Biz árqaısymyz izdenpaz ǵalymbyz, názik psıhologpyz, tynymsyz eńbekqormyz, óz ortamyzdyń uıytqysymyz. Jan-jaqty shebermiz, bilimdimiz, jalpy aıtqanda segiz qyrly, bir syrlymyz. Olaı bolsa, bizdiń qolymyzdan bári keledi. Bizdiń árbir sabaǵymyz qyzyqty ótedi. Sondyqtan sabaqtarymyzda paıdalanyp júrgen tehnologıalarymyz ben ádis-tásilderimizdi, jumys túrlerin arnaıy japyraqtarǵa jazamyz.

Sabaqty jalpy qorytyndylaý:

Aldymyzda turǵan alyp báıterekke mán berip qaraıtyn bolsaq, 7 butaǵy bar. Báıterektiń 7 butaǵy – oblysymyzdyń 2 qalasy men 5 aýdany. Oblysymyzda jańashyl muǵalimderdiń sany kóbeıip, osyndaı bas qosýlarda tájirıbe almasyp, ólkemizdiń bilim sapasynyń jaqsarýyna óz úlesimizdi qossaq, onda biz jas urpaqty oqytý men tárbıeleýde óz maqsatymyzǵa jetip, tamyry tereńge ketken myna báıterekteı jelkildep ósken bilimdi urpaǵymyzdy maqtan tutamyz «Jumyla kótergen júk jeńil» degendeı, sizderdi birlesip jumys jasaýǵa shaqyramyn.

---