InfoHub Logo

10-tamyzda Orynbordaǵy Qazaqstannyń oqý ınstıtýtynda, ám tatar ınstıtýtynda oqýshy jastar uıymynyń músheleriniń jalpy jıylysynda joldas Nurmaqov qazirgi jer júzindegi memleket aralaryndaǵy saıasat jaıy týraly baıandama qyldy jáne men Keńes respýblıkalarynyń odaqtyq quramasy týraly ám Qazaqstannyń ortalyq keńes komıtetiniń 3-jalpy májilisiniń qaraǵan máseleleri týraly shyǵarǵan qaýlylary jóninde baıandama qyldym.

Qazaqstannyń ortalyq komıtetiniń 3-májilisiniń qaraǵan máseleleriniń ishinde qazaq tilin keńselerde júrgizý degen máseleniń, ám Qazaqstanda áýe kemesin júrgizý degen máselelerdiń sheshilýi jastarǵa birtúrli unap, barlyǵy biraýyzdan Qazaqstanda mekemelerde keńse isterin qazaqshaǵa tez aýdarýdy qýattap, Qazaqstannyń barlyq qazaq balalary oqıtyn shola ám mektepterinde qazaq balalaryn keńse isterine de tanystyratyn bolsa eken dep, muny Qazaqstan oqý komısarıaty bıylǵy jylǵy sabaq retine mindetti qylyp kirgizse eken dep qarar shyǵardy.

Jáne shamalary kelgenshe áýe kemesiniń bolýyna járdem qylýdy ám múshe bolyp «áýe kemesi dostarynyń qaýymyna» jazylýǵa qaýly qyldy.

Qazaqstannyń oqý ınstıtýtyndaǵy ám tatar ınstıtýtyndaǵy jastardyń munysy erlik.

Qazaq ám tatar ınstıtýttaryndaǵy jastardyń shyn kóńilderimen istegen bul qaýlylarynyń iske asyp, is júzinde kórinýine tilektespiz! Orynbordaǵy ózge shkalalardaǵy jastar da bul ıgi tilekke qosylar! İs jastardiki!

19.09.1923 jyl

---