InfoHub Logo

Almatydan kelgen ókil N. oblysynyń bir túkpirindegi «Avangard» kolhozynyń magazıniniń aldyna kelgende basynda qarakólden tigilgen kavkazdyq bórki bar, úńireıgen uzyn boıly, oraq muryn bireýdi kórdi. Onyń aınalasynda aýzy býýly birneshe qap jatyr da, aýzy ashylǵan eki úlken qaptan alma kórinip tur. Kelýshiler kóp.

Anadaı jerde búırek bet qara bala sheshesiniń etegine oralyp damylsyz yzyńdap tur:—Apa, e-e-e, apa, alma-a-a! Áke-sheshesine tilin alǵyzǵan balalar almany qushyrlana shaınap barady. Olar alma jemeı turǵandarǵa, «e-e-eı» dep «sende joq, mende bar» degendeı jyltyldatyp almasyn domalań-domalań etkizip kórsetedi. Balalardyń «apalaǵan» qyńqyly odan saıyn kóbeıe, údeı túsedi.

«Qurtty kórse kúr aýyzdan sý aǵar» degendeı ókildiń de alma jegisi kelip, silekeıi shubyryp júrip berdi. Onyń kóz aldynan osydan on shaqty kún buryn ǵana Almatyda tutynýshylar odaǵynda otyryp, kúrtildete alma shaınaǵan kezi elestep ketti. Shirkin, sol alma osyndaı alys aýdanda komandırovkada shóldep júrgende kezdeser me edi! Ol alma janynda otyrǵan oraq murynnyń janyna jaqyndady. Balasy maza bermegen bireý onyń sózin aýzynan qaǵyp áketti.

— Almańyz qanshadan?

— Eki som.

— Kılosy ma?

— Joq, bireýi.

— Oıbaı-aý, mynaýyń qyrady ǵoı.

— Qymbatqa satatynyńyz, ashýlanatynyńyz bar metr jol júrip, eki tonna almany Alataýdan, alystaǵy jyraq «Avangard» kolhozyna azabyn tartyp alyp kelgende beker bergeli otyr dep pe ediń.— Oraq muryn bul sózdi shamdanyp, zikinep, zirkildep aıtty. Tutynýshylar odaǵynyń N. oblysyna kelgen ókili saýdaǵa tikeleı qatysy baryn ańǵartty:

— Qymbatqa satatynyńyz, ashýlanatynyńyz bar munda nege keldińiz?— dedi? Oraq muryn da tartynǵan joq:

— Eger biz bolmasaq alystaǵy aǵaıyndardy almamen kim qamtamasyz etedi?— dep shimirikpesten aıtyp saldy. Ókil ne aıtaryn bilmeı ańyryp turyp qaldy.

---