InfoHub Logo

Oraza tutý densaýlyqqa zıandy emes, kerisinshe óte paıdaly. Bul jaıt búgingi medısına mamandary tarapynan aıqyn túrde dáleldengen. Álemdegi kóptegen maman dárigerler tarapynan jazylǵan kitaptarda san alýan aýrýlardyń dıeta saqtaýmen emdeletini nemese dıeta arqyly emniń tez júretini aıtylýda.

Oraza — bir jyl boıy toqtaýsyz jumys istegen asqazanmen búkil as qorytý júıeleriniń dem alýy jáne adam denesiniń tazarýy degen sóz.

Adamdarda óte jıi kezdesetin indet asqazan jáne ishek aýrýlary. Al bul jaǵdaı semirý, júrek jáne tamyr aýrýlaryna, qant dıabetine jáne qan qysymynyń joǵarylaýyna sebep bolýda. Oraza búkil bul aýrýlardyń aldyn alýshysy bolýmen qatar emniń kózi de bolyp tabylady.

Oraza tutýmen adam kúshti qalaý erkine de qol jetkizeri sózsiz. Osy sebepti araq, nasha sıaqty jaman ádetterinen oraza arqyly qutylǵandar kóp kezdesýde.

Oraza denedegi kómirsý, proteın men ásirese maı qorlarynyń áreketke túsýin qamtamasyz etedi. Oraza arqyly súzgish jumysynan qutylǵan búırekter ózin tekserý, jóndeý, dem alý jáne jańalanýǵa múmkindik tabady.

Oraza jylyna bir aı, tek kúndizderi iship-jeýden tıylý degen sóz. Bul jerden ashtyqtyń jáne sýsyzdyqtyń ne ekenin sezinip, túsinýge bolady. Oraza toq adamdarǵa ash adamnyń qandaı jaǵdaıda bolatynyn, ne sezinetinin de eske salady. Sondaı-aq ózin tárbıe etýdi qamtamasyz etedi.

Sáııd Býrhanáddın Tırmızı shákirtterine bylaı degen eken: «Qaryndaryń ash bolsyn! Ol úshin oraza tutyńdar! Óıtkeni oraza danyshpandyq qazynalarynyń kilti. Oraza tutý kóńil kóziniń ashylýyna, kóńildiń jumsarýyna sebep bolady».

Qoryta aıtqanda oraza adam úshin zıandy emes, qaı jaǵynynan qaralsa da paıdaly. Óıtkeni oraza tutqandarda kúndiz qan kólemi men tin sýynyń azaıǵany nátıjesinde eń bolmaǵanda qan qysymynyń qalypty kúıge engeni jáne júrek jumysynyń jaqsarǵany baıqalady. Oraza tutqan kisiniń júıke júıesi de jeńildeıdi.

Oqýǵa keńes beremiz:

Orazaǵa qatysty paıdaly málimetter

Japon ǵalymy Orazanyń paıdasyn dáleldegeni úshin Nobel syılyǵyn aldy

Oraza ómirdi uzartady

San túrli derttiń shıpasy — qurma

---