InfoHub Logo

Qarjaý áıelinen qorqady eken degen sóz elge burynnan-aq belgili eken. Muny onyń ózi de estip-bilip júredi. Buǵan namystanǵan ol, endi qaıtkende de muny joqqa shyǵarýǵa tyrysyp baǵady. Bir kúni úıine syıly adamdar kelip tústenip otyrǵanda, sáti túsken kez osy bolar dep oılaǵan Qarjaý áıeline jotalanyp:

— Áı, qatyn, sorpańnyń tuzy tatymapty, ne qara basqan seni! — dep daýsyn kótere sóılepti.

Sonda shaıpaý áıeli:

— Ne dep kókip otyrsyń, eı, — dep qolyndaǵy shómishti ońtaılaı bergende, Qarjaý orynynan ata jónelip, esik jaqqa qalaı baryp qalǵanyn ańǵarmaı da qalypty. Esiktiń jabdyǵynan syǵalap turyp:

— E, sorpańnyń tuzy tatymaǵanyn aıtpaǵanda, qorqaıyq pa? — degen eken sabazyń.

---