InfoHub Logo

Jetpisinshi jyldardyń aıaǵy jaqyndaıdy. Bul kezde burynǵy Qurmanǵazynyń sońyna túsip júrgenderdiń birqatary óledi. «Bireýleri Qurmanǵazy endi osy joldan keler deımisiń», — dep kúderlerin úzip, jáıbaraqattanyp qalady. Osyndaı jaılardyń nátıjesinde Qurmanǵazy kádimgideı tynyshtyq dárejege endi shyndap engendeı bolady. Úı ishi de tynyshtalyp, jadyrańqy ómirge jańa engendeı, «uh» dep demderin alǵandaı bolady. Qazıdyń derti de ábden aıyǵyp, áke-sheshesin qýantady. Ómir boıy bul úıdiń tóbesin búrkegen bult ydyrap, kún kózi kórine bastaǵandaı sezim úı ishi adamdarynyń báriniń de basynda bolady. Osyndaı jaıma-shýaq kúnde kenet taǵy da daýyl turyp, Saǵyrbaıdyń qarasha úıin taǵy da qobaljytady. Bir starshyn oıda-joqta Qurmanǵazyǵa bir qaǵaz alyp keledi. Ol qaǵaz Astrahan genaral-gýbernatory keńesiniń Qurmanǵazyny shaqyrtqan qaǵazy bolady. Paveskini alyp, barmaı qoıýǵa qoryqqan kisideı bolarmyn dep, Qurmanǵazy taǵy jolǵa jınalady. Keterinde ádetinshe qolyna dombyrasyn alyp, kúı tartady. Tyńdaýshylar suraýyna Qurmanǵazy: «Bul kúıdiń aty «Paveski» (poveski) bolsyn», — deıdi.

 

---