Terezeden-esikten
Qurmanǵazy úrkit túrmesinde biraz jatyp qalady. Buryn áldeneshe ret qashyp ketkeni jazýly bolǵannan ba, kúıshini munda tipti qatty ustaıdy. Basqasyn bylaı qoıǵanda onyń ne istep otyrǵany únemi ańdýly bolady. Terezeden de, esikten de syǵalap qarap, minez-qulqynyń bári qaraýylshylardyń alaqanynda bolady. Qurmanǵazy kúzetshiniń bireýi ákelip bergen eski dombyrasyn ıkemdep alyp, taǵy kúı shertedi.
Ózin kúndiz-túni terezeden-esikten ańdyǵan adamdardyń minezine arnap «Terezeden-esikten» degen kúı shyǵarady. Qurmanǵazynyń dombyra tartysy tutqyndarǵa unaıdy, bári jabylyp túrme bastyǵymen sóılesip, Qurmanǵazynyń dombyra tartýyna ruqsat alady. Osynyń bárine járdemdesken Sergeı degen orys dosy bolady. Ol Qurmanǵazynyń ómirbaıanyn surap, kúıshiniń shatpaqtap aıtqanymen shet jaǵasyn bolsa da túsinedi. Sergeıdiń ishtartqany birden Qurmanǵazyǵa seziledi. Sol kúnnen bastap Qurmanǵazy Sergeıden syryn jasyrmaıdy. Bir kúni batyly jetip, Sergeıge óziniń qashýdy oılap júrgenin aıtyp, odan aqyl suraıdy. Daladan jumys istep kesheýildep qaıtyp kele jatqanda serigi Qurmanǵazyny esebin taýyp keıin qashyryp jiberedi.
You Might Also Like
-
Mekteptiń otyn qoı̆masyna bireý bir qushaq kitap ákelip tastady. Esik qaı̆ta jabylýy muń eken, shetkerirek túsken biri basyn kóterip aldy. «Qaı̆da keldim?» degendeı̆ jan-jaǵyna qarap sál ...
-
Jetpisinshi jyldardyń aıaǵy jaqyndaıdy. Bul kezde burynǵy Qurmanǵazynyń sońyna túsip júrgenderdiń birqatary óledi. «Bireýleri Qurmanǵazy endi osy joldan keler deımisiń», — dep kúder...
